Karatefélag Akureyrar gerir það gott á Íslandsmeistaramóti barna og unglinga

Þann 6 og 7 maí var haldið Íslandsmeistaramót barna- og unglinga í Kata  á Akranesi og er þetta þriðja skiptið sem Karatefélag Akureyrar tekur þátt í þessu móti. Félagið er á mikilli siglingu og fór með 24 krakka á mótið frá 6 ára til 16 ára.

Þetta er mjög stórt mót með samtals 250 þátttakendum og upp í 40 keppendum í flokkum frá 11 félögum.

Félagið hampaði Íslandsmeistara í kata 12 ára unglinga sem Magnea Björt Jóhannesdóttir vann með yfirburðum, einnig varð Íris Harpa Hilmarsdóttir í 3 sæti í sama flokki.

María Bergland Traustadóttir vann 3 sæti í kata 10 ára barna.

Sóley Eva Magnúsdóttir vann 3 sæti í kata 13 ára unglinga

Hópkata liðið 12-13 ára unglinga sem saman stendur af Björgvini Snær Magnússyni, Sóleyju Evu Magnúsdóttur og Magneu Björt Jóhannesdóttur varð í 2 sæti.