KA sigraði Fjölni og er komið í undanúrslit Borgunarbikarsins. (2-1) Myndir.

Það var frábærlega vel mætt á leik KA og Fjölnis í kvöld á Akureyrarvelli og urðu áhorfendur ekki fyrir vonbrigðum, nema kannski þeir sem mættu of seint á völlinn. KA skoraði tvö mörk á fyrstu tíu mínútum leiksins og dugðu þau til sigurs. KA er því komið í undanúrslit Borgunarbikarsins, í fyrsta sinn síðan 2004.Leikurinn var aðeins sjö mínútna gamall þegar að Jóhann Helgason gaf háann bolta inn á teig gestanna, sem þeim mistókst að hreinsa og boltinn datt fyrir Davíð Rúnar Bjarnason sem skilaði honum framhjá Þórð Ingasyni, markverði Fjölnis. Áhorfendur voru varla sestir þegar að Ævar Ingi Jóhannesson slapp einn í gegnum vörn Fjölnis og setti boltann yfir Þórð í markinu. Tvö núll eftir aðeins 9 mínútur og staða heimamanna vænleg.Leikurinn róaðist töluvert eftir þetta. Fjölnismenn voru meira með boltann, án þess þó að skapa sér hættulegt færi en KA beitti góðum skyndisóknum og fengu tvö dauðafæri til þess að auka muninn. Fyrst var það Juraj Grizelj sem var við það að komast einn í gegn en góður varnarleikur Fjölnis varð til þess að Juraj kom ekki skoti á markið og þá fékk Ben Everson einnig ágætt færi þegar hann og Juraj voru komnir tveir gegn einum varnarmanni Fjölnis en náðu þó ekki að gera mat úr því.Fjölnismenn mættu gríðarlega einbeittir til seinni hálfleiks og settu þunga pressu á KA-menn. Þeir uppskáru mark á 53. mínútu þegar að Charles Mcgee skoraði með hnitmiðuðu skoti framhjá Rajko í markinu. Við þetta efldust KA menn og fékk Juraj Grizelj upplagt marktækifæri eftir frábært spil KA-manna en boltinn fór rétt framhjá. Fjölnismenn lögðu allt í sölurnar í restina til þess að jafna leikinn en KA-menn voru gríðarlega þéttir til baka og gáfu ekki eitt færi á sér.Sanngjarn sigur KA-manna staðreynd og fögnuður áhorfenda og leikmanna í leikslok ósvikinn. Það er ljóst að með þessari spilamennsku er KA allir vegir færir í deildinni en næsti heimaleikur liðsins er gegn erkifjendunum í Þór á laugardaginn kemur. Hinsvegar er dregið í bikarnum á morgun og ásamt KA eru KR, Valur og ÍBV í pottinum.

Umfjöllun. KA-sport.is     Myndir: Þórir Ó.TryggvasonTHTR3381 THTR3385 THTR3393 THTR3394 THTR3406 THTR3414 THTR3423 THTR3432 THTR3454 THTR3471 THTR3473 THTR3474 THTR3476 THTR3482 THTR3483 THTR3541 THTR3545 THTR3553 THTR3560 THTR3583 THTR3621 THTR3624 THTR3625 THTR3670 THTR3679 THTR3698 THTR3701 THTR3703 THTR3705 THTR3706 THTR3707 THTR3709 THTR3711 THTR3712 THTR3715 THTR3718 THTR3737 THTR3751 THTR3782 THTR3806 THTR3808 THTR3812 THTR3817 THTR3821 THTR3824 THTR3829 THTR3832 THTR3833 THTR3834 THTR3835 THTR3839 THTR3841 THTR3843 THTR3850 THTR3877 THTR3878 THTR3879 THTR3880 THTR3913 THTR3915 THTR3917 THTR3920 THTR3921 THTR3923 THTR3926 THTR3930 THTR3932 THTR3938 THTR3941