Zonta gefur Aflinu peningagjöf

Á myndinni er frá vinstri, formaður Zontaklúbbs Akureyrar, Fjóla Björk Jónsdóttir, stjórnarformaður Aflsins Anna María Hjálmarsdóttir og gjaldkeri Zontaklúbbs Akureyrar Guðrún Rósa Þórsteinsdóttir.

Á myndinni er frá vinstri, formaður Zontaklúbbs Akureyrar, Fjóla Björk Jónsdóttir, stjórnarformaður Aflsins Anna María Hjálmarsdóttir og gjaldkeri Zontaklúbbs Akureyrar Guðrún Rósa Þórsteinsdóttir.

Zontaklúbbur Akureyrar færði Aflinu  – samtökum gegn kynferðis- og heimilisofbeldi myndarlega peningagjöf þann 8. júlí síðastliðinn. Aflið eru samtök sem voru stofnuð á Akureyri árið 2002 og veita ráðgjöf og stuðning öllum þeim sem hafa orðið fyrir kynferðisofbeldi og/eða heimilisofbeldi og aðstandendum þeirra s.s. mökum, foreldrum, systkinum og vinum. 
Zontaklúbbur Akureyrar hefur í gegnum árin stutt samtökin og þeirra góða og mikilvæga starf .  Á síðasta ári gengu fjáröflunarverkefni klúbbsins mjög vel sem gerir honum kleift að styðja myndarlega við Aflið í ár að sögn Fjólu Bjarkar, formanns Zontaklúbbs Akureyrar.

Zontaklúbbur Akureyrar er félagsskapur sem starfar samkvæmt alþjóðlegum reglum Zontahreyfingarinnar og beitir sér sérstaklega fyrir því að styrkja stöðu kvenna á heimsvísu.
Akureyri vikublað 17. júlí 2014