Dúndurfréttir og Eiríkur Hauksson og Gestir út um allt í Hofi

Hljómsveitin Dúndurfréttir heldur tónleika í Hofi, Akureyri föstudaginn 4. nóvember og með þeim í för verður enginn annar en rokksöngvarinn Eiríkur Hauksson.

Dúndurfréttir er landsins besta tónleikasveit og hafa þeir haldið uppi heiðri klassískrar rokktónlistar í 15 ár, og hefur sveitin haldið fjöldan allann af tónleikum víðsvegar um landið, m.a með Sinfóníuhljómsveit Íslands og Sinfóníuhljómsveit Norðurlands, svo fátt eitt sé upptalið.

Eirík Hauksson þarf vart að kynna fyrir íslendingum en hann hefur verið einn dáðasti söngvari þessa lands í hjartnær 3 áratugi, bæði með hljómsveitum sínum Start, Drýsli og ARTCH og undir sínu eigin nafni.

Eiríkur Hauksson kom fram með Dúndurfréttum á Þjóðhátíð í Vestmannaeyjum um verslunarmannahelgina og þótti mönnum takast það vel til að fyrirhugaðir eru tónleikar í Hofi þar sem þeir ætla að flytja það besta úr sögu rokksins í bland við perlur Eiríks í gegnum tíðina.

Á sunnudaginn verður einnig mikið fjör í Hofi þar sem Gestir út um allt er skemmtiþáttur á Rás 2 sem er sendur út í beinni útsendingu af stóra sviðinu í Hofi. Umsjónarmennirnir Margrét Blöndal og Felix Bergsson taka á móti gestum ásamt hljómsveit Hjörleifs A. Jónssonar. Næsti þáttur verður 6. nóvember.

Frábærir listamenn koma í heimsókn og áhorfendur eru velkomnir í salinn í Hofi til þess að taka virkan þátt í gleðinni. Það kostar ekkert inn, nema löngun til að hafa það skemmtilegt.

Gestir þáttarins að þessu sinni eru Guðrún Gunnarsdóttir og Ingólfur Þórarinsson (Ingó veðurguð) og Hjalti hetjutenór á eftir að sýna á sér óvænta hlið.

Meðal dagskrárliða eru óvæntir leikþættir, leynigestir og leiknar auglýsingar, húsráð frú Blöndal, leikir með áhorfendum í sal og tónlist í öllum regnbogans litum.