Leikfélag Akureyrar frumsýnir í Rýminu á föstudagskvöld leikritið Lilju eftir Jón Gunnar Þórðarson, sem er lauslega byggt á myndinni Lilya 4ever eftir sænska leikstjórann Lukas Moodyson. Sagan af Lilju er byggð á sönnum atburðum.

Lilja er 16 ára stúlka sem býr í gömlu Sovétríkjunum. Móðir hennar yfirgefur hana og flytur til Bandaríkjanna. Lilja býr til sitt eigið heimili með vinkonu sinni Natösju og 12 ára gömlum dreng, Volodja. Öll dreymir þau um betra líf í ”Vestrinu”. Er draumalífið fegurðin ein, eða er draumurinn helvíti á jörð?

Jón Gunnar vann leikritið meðan hann var við nám í Drama Centre í London. Lilja var frumsýnd í The Contact Theatre í Manchester 2008 í leikstjórn Jóns Gunnars. Sýningin fékk mjög góða gagnrýni og m.a. 5 stjörnur í Manchester Evening News.

Jón Gunnar leikstýrir jafnframt uppsetningu leikfélagsins að þessu sinni, en leikarar eru Jana María Guðmundsdóttir, María Þórðardóttir, Þráinn Karlsson, Atli Þór Albertsson, Ólafur Ingi Sigurðsson og Hjalti Rúnar Jónsson.

Það er hægt að fylgjast með athugasemdum við þessari færslu í gegnum RSS 2.0 veitu. Það er bæði lokað fyrir athugasemdir og trackpack.