Magnús Jónsson, eða Dr. Frank N. Furter

Leikfélag Akureyrar hefur gengið frá ráðningum leikara í söngleikinn Rocky Horror, sem frumsýndur verður í mars á næsta ári. Tónlistarstjóri sýningarinnar verður Andrea Gylfadóttir, sem einnig leikur Magnetu. Aðalhlutverkið, hlutverk Franks N. Furter, verður svo í höndum meistarans Magnúsar Jónssonar, Gus Gus drengs og eins reyndasta söngleikjaleikara landsins. Þá má nefna að Rocky sjálfur, hinn fullkomni karlmaður sem Frank N. Furter skapar í tilraunastofu sinni, verður leikinn af Eyþóri Inga Gunnlaugssyni frá Dalvík.

Af öðrum leikurum sýningarinnar má nefna Bryndísi Ásmundsdóttur í hlutverki Columbiu, Jönu Maríu Guðmundsdóttur og Atla Þór Albertsson sem Janet og Brad, og að lokum Jóhann G. Jóhannsson og Guðmund Ólafsson í hlutverkum Riff Raff og Dr. Scott.

Leikstjóri er Jón Gunnar Þórðarsson, þýðingu gerði Veturliði Guðnason, leikmyndin er í höndum Péturs Gauts Svavarssonar og búningarnir eru Rannveigar Evu Karlsdóttur. Gunnar Sigurbjörnsson hannar hljóðmynd og stjórnar hljóði á sýningum, en hljómsveit undir stjórn Andreu Gylfadóttur mun leika á sýningum.

Það er hægt að fylgjast með athugasemdum við þessari færslu í gegnum RSS 2.0 veitu. Það er bæði lokað fyrir athugasemdir og trackpack.