Hraðahindrununum í Gilinu hefur verið vel tekið, segir deildarstjóri framkvæmdadeildar. Mynd/Ingimar Björn
Hraðahindrunum þeim er bæjaryfirvöld hafa komið fyrir í Kaupvangsstræti hefur verið vel tekið, að sögn Helga Más Pálssonar, deildarstjóra framkvæmdadeildar bæjarins. Hraðahindranirnar, sem eru færanlegar, var komið fyrir í Gilinu fyrir Bíladaga, meðal annars til að bregðast við kvörtunum íbúa í götunni, en mikill hávaði er oft af bílum og mótorhjólum sem þeysa upp gilið með inngjöfina í botni. Fá hindranirnar að standa fram yfir verslunarmannahelgi, en eftir það verður skoðað hvaða leiðir verða farnar til að lækka hraða og minnka umferð um Gilið.
Meðal þeirra leiða sem eru í skoðun, að sögn Helga, er lækkun hámarkshraða í 30 km á klukkustund, hraðahindranir eða hugsanlega að gatan verði gerð að einstefnu á niðurleið.
Loading ...
Það að lækka hraðann niður í 30 í Gilinu væri væntanlega ekki besta hugmyndin, sérstaklega á veturna þegar að bílar þurfa ferð til að komast upp í hálku.
Held að ef að fólk myndi keyra á 30 þá myndu ansi margir renna afturábak niður aftur
Hehe ég var einmitt að pæla það, hvað það yrði gaman að fara þarna upp í vetur, þar sem það er yfirleitt svo vel sandborið að það er oft auðveldara að fara þar heldur en aðrar leiðir.. Núna stoppa meira og minna allir.. Það sætu allir fastir í gilinu.. ok, kannski ekki allir en margir..