Akureyri.net » Viðburðir

50 ára afmælissýning í Hofi

Daníel Starrason — Thu, 02 Feb 2012 15:29:13 +0000

Jónas Viðar snýr heim í tilefni 50 ára afmælis síns og heldur sýningu fyrir Akureyringa. Ljósmyndari akureyri.net fékk að líta við í morgun meðan á uppsetningu stóð og taka nokkrar myndir.

Ljósmyndir: Daníel Starrason

Útsvar í beinni útsendingu úr Hofi

Páll Jóhannesson — Wed, 30 Mar 2011 11:04:12 +0000

Lið Akureyrar og Norðurþings etja kappi í útslitaviðureign Útsvars veturinn 2010-2011 nk. föstudagskvöld 1. apríl í beinni útsendingu frá Hofi menningarhúsi. Fólki gefst kostur á að tryggja sér sæti í salnum og þeir sem vilja krækja sér í miða geta gert það í miðasölu Hofs eða í Norðurþings stjórnsýsluhúsinu á Húsavík á morgun fimmtudag kl. 13:00.

Vakin er athygli á því að takmarkað magn af miðum er í boði. Hver einstaklingur getur nálgast fjóra miða og börn þurfa að vera í fylgd með fullorðnum. Salurinn opnar kl. 19:30 og útsendingin hefst kl. 20:10.

Annars eru allir velkomnir í Hof á föstudagskvöldið til þess að taka þátt í þessum stórskemmtilega viðburði. Þættinum verður einnig varpað á risatjaldi í minni sal Hofs þannig að það má gera ráð fyrir mikilli stemningu í húsinu.

Minningartónleikar um sr. Pétur Þórarinsson í Laufási

Páll Jóhannesson — Tue, 15 Mar 2011 11:25:16 +0000

Mynd: miði.is

Laugardaginn 19. mars verða haldið minningartónleikar um sr. Pétur Þórarinsson í Laufási í Menningarhúsinu Hofi laugardaginn 19. tónleikarnir hefjast kl. 20. Þar koma fram norðlenskir listamenn; hljóðfæraleikarar, kórar, kvartett og einsöngvarar, en hljómsveitarstjóri verður Gunnar Þórðarson.

Mynd: Palli Jóh

Kórarnir sem syngja á tónleikunum eru Hymnodia og kammerkórinn Ísold undir stjórn Eyþórs Inga Jónssonar og sameinaðir sóknarkórar sr. Péturs, sem Petra Björk Pálsdóttir stjórnar, Álftagerðisbræður syngja eins og þeim einum er lagið og einsöngvarar og einleikarar verðam.a. Lára Sóley Jóhannsdóttir, Hjalti Jónsson, Óskar Pétursson, Örn Viðar Birgisson og Sveinn Dúa Hjörleifsson. Jafnframt verður á tónleikunum, milli laga, brugðið upp myndbrotum úr lífi Péturs, m.a. myndum frá eftirminnilegum tónleikum, sem haldnir voru í Glerárkirkju til styrktar Pétri fyrir hálfum öðrum áratug.

Miðaverð á tónleikana er 2500 krónur. Þetta er viðburður sem óhætt er að mæla með – meira um þennan viðburð og miðasla www.menningarhús.is

Skriðjöklarnir á Græna hattinum

Örlygur Hnefill — Thu, 01 Apr 2010 15:19:32 +0000

Hljómsveitin Skriðjöklarnir verður með hljómleika á Græna hattinum þann 3. apríl n.k.

Andrésar Andar leikarnir

Örlygur Hnefill — Thu, 01 Apr 2010 15:18:00 +0000

Um 800 krakkar á aldrinum 6-12 ára koma saman til þess að taka þátt í skíðmóti sem haldið hefur verið í 34 ár. Með börnunum koma gríðalega margir foreldrar.

Guðsþjónusta í Akureyrarkirkju

Örlygur Hnefill — Fri, 22 Jan 2010 15:56:32 +0000

Guðsþjónusta kl. 11.00. Prestur er sr. Svavar Alfreð Jónsson. Félagar úr Kór Akureyrarkirkju syngja. Organisti er Sigrún Magna Þórsteinsdóttir. Sunnudagaskóli í Safnaðarheimilinu kl. 11.00. Umsjón Halla og Heimir. Guðsþjónusta á Kjarnalundi kl. 14.00. Guðsþjónusta á Hlíð kl. 15.00.

Þjónn í súpunni

Örlygur Hnefill — Fri, 22 Jan 2010 15:40:46 +0000

Leikfélag Akureyrar og Veitingastaðurinn Friðrik V hafa tekið upp þráðinn frá síðasta leikári og bjóða upp á 3ja rétta máltíð og “óhefðbundna þjónustu” á Friðrik V. Þjónar leika, leikarar þjóna, allir leika á gesti og gestirnir leika á als oddi. Leikstjóri er María Sigurðardóttir, leikhússtjóri LA. Nú eru nýir ”þjónar” með í för og forvitnilegt að vita hvernig þeir reynast! Þetta er uppákoma sem byggir á spuna og stemmningu og aldrei að vita hvað gerist, því engar tvær sýningar eru eins. Matseðillinn er saminn af Friðriki V sjálfum, er hann þekktur fyrir dýrindis mat. Síðastliðinn vetur var uppselt öll kvöldin og oft var biðlisti eftir borðum. Það borgar sig því að vera snemma í því og panta borð í tíma. Verð kr. 5.900. Innifalið er leiksýning og þriggja rétta kvöldverður með víni. Miða er hægt að panta á: fridrikv@fridrikv.is og í síma 461 5775. Þjónn í súpunni kl. 18.30 á Friðriki V.

Joris Rademaker í Listasafninu á Akureyri

Örlygur Hnefill — Mon, 28 Dec 2009 11:41:53 +0000

Laugardaginn 16. janúar verður opnuð yfirlitssýning á verkum hollenska myndlistarmannsins Jorisar Rademaker (f. 1958) og mun Listasafnið á Akureyri af því tilefni gefa út tæplega 90 síðna bók með ítarlegri umfjöllun um feril hans og list eftir Úlfhildi Dagsdóttur bókmenntafræðing.

Joris hefur verið búsettur á Akureyri síðan 1991 og verið ein helsta sprautan í menningarlífi bæjarins, rekið þar grasrótarsalinn Gallerí+ í yfir áratug ásamt konu sinni, Guðrúnu Pálínu, og sinnt myndlistarkennslu um langt árabil. Myndlist Jorisar spannar ólíkar stefnur og rífur skörð í þá múra sem eitt sinn stóðu fyrir kynslóðabil andstæðra fylkinga. Hann vinnur með hugsanaflæði, bæði tvívítt og þrívítt, og styðst við fundna hluti og látlausan, gjarnan lífrænan, efnivið eins og tré, pappír, tau, blek og þrykk. Ákveðin stef eru könnuð í mörgum mismunandi útfærslum og byggja á formrænni einföldun þar sem möguleikar skynjunar og alls konar skynvilluleikir ráða ferðinni.

Sýningin stendur til 7. mars 2010.

Sjálfsmyndir í sal Myndlistarfélagsins

Örlygur Hnefill — Mon, 28 Dec 2009 11:37:59 +0000

Súpan sýnir afrakstur samstarfs síns við unga sem aldna allt frá nyrstu ströndum til nafla alheimsins á fjórum farandsýningum og þar á meðal í Box-inu, sal Myndlistarfélagsins á Akureyri.

Sýningarnar eru: 1. Bragganum í Öxarfirði,Frumsýning laugard.14. nóvember kl. 13-17

2. SÍM-húsinu Hafnarstræti 16, Reykjavík, 5.-18. desember Opnun laugard. 5. desember kl. 16-18

3. Kaffistofunni Nemendagallerí Listaháskólans Hverfisgötu 42, Reykjavík 5.-6. des. Opnun laugard. 5. Desember kl.14-16

4. Box–inu, Sal myndlistarfélagsins í Listagilinu á Akureyri 16. janúar – 6. febrúar 2010Opnun laugardaginn 16. janúar kl.14

Björg Eiríksdóttir myndlistakona/myndlistakennari VMA
Edda Þórey Kristfinnsdóttir myndlistakona Korpúlfsstöðum
Jóna Bergdal Jakobsdóttir myndlistakona/málari Eskifirði
Unnur G. Óttarsdóttir listmeðferðarfræðingur/myndlistakona
Yst Ingunn St. Svavarsdóttir sálfræðingur/fagurlista-verkakona

Helgi og Hljóðfæraleikararnir á Græna hattinum

Örlygur Hnefill — Mon, 28 Dec 2009 11:31:25 +0000

Miðvikudaginn 30. desember ætla Helgi og Hljóðfæraleikararnir að telja í sína árlegu áramótatónleika sem hefjast kl. 21.00. Húsið opnað kl. 20.00 og forsala er í Eymundsson og hefst hún mánudaginn 28. desember. Miðaverð er kr.1500.

Sveinka á Café Karólínu

Örlygur Hnefill — Tue, 01 Dec 2009 11:21:20 +0000

Sveinka (Sveinbjörg Ásgeirsdóttir) opnar sýninguna “Á meðan ég svaf“ á Café Karólínu laugardaginn 5. desember klukkan 15. Sýningin samanstendur af draumkenndum fígúratífum vatnslita-blek myndum sem málaðar eru á ríspappír sem spilar sitt hlutverk með litunum.

Norrænt málþing í Ketilhúsinu

Örlygur Hnefill — Mon, 30 Nov 2009 23:39:48 +0000

Er grasið grænna hinum megin
Norrænt samstarf á krepputímum

Norræna upplýsingaskrifstofan stendur fyrir málþingi 2. desember 2009 kl. 16:00-18:00 í Ketilhúsinu á Akureyri.

Markmið með málþinginu er að skapa tækifæri til umræðu um stöðu fólks varðandi búsetuskilyrði á krepputímum. Hverjar eru aðstæður ungs fólks. Hvaða norrænu samstarfsúrræði eru til. Getum við lært af frændþjóðunum? Flutningur úr landi er hann jákvæður eða neikvæður fyrir þjóðfélagið? Hvernig er að flytja heim í ríkjandi samfélagsástand.

Fyrirlesarar eru: Helgi Hjörvar, forseti Norðurlandaráðs: Gestur Guðmundsson, prófessor í félagsfræði menntunar, Soffía Gísladóttir, forstöðumaður Vinnumálastofnunar Norðurlandi eystra, Arnaldur Bárðarson, prestur við Glerárkirkju og Brynja Harðardóttir, lýðheilsufræðingur og myndlistakona:
Fundarstjór er Sigrún Stefánsdóttir, stjórnarformaður Norrænu upplýsingskrifstofunnar

Allir velkomnir! – Sjá nánar á www.akmennt.is/nu

Helga Möller á Græna hattinum

Örlygur Hnefill — Mon, 30 Nov 2009 22:20:58 +0000

Söngkonan Helga Möller heldur aðventutónleika á Græna hattinum kl. 21.00. Húsið opnað kl. 20.00.

Fimmta barnið á Amtsbókasafninu

Örlygur Hnefill — Mon, 30 Nov 2009 22:18:59 +0000

Eyrún Ýr Tryggvadóttir les upp úr nýrri spennusögu sinni

Í fyrra skaust fram í sviðsljósið óþekktur glæpasagnahöfundur á Íslandi, og gaf þeim sem fyrir voru ekkert eftir. Þetta var og er bókasafnsfræðingur á Húsavík, Eyrún Ýr Tryggvadóttir. Hvar er systir mín? hét þessi spennusaga hennar, og nú hefur hún lokið við sjálfstætt framhald þeirrar bókar. Ber hún nafnið Fimmta barnið og segja kunnugir að hún gefi þeirri fyrri ekkert eftir.

Eyrún Ýr mun koma á Amtsbókasafnið fimmtudaginn 10. desember kl. 17:15 og lesa upp úr bókinni sinni, ásamt því að svara spurningum safngesta ef einhverjar verða. Í fyrra vakti hún mikla athygli fyrir hressilegan og skemmtilegan upplestur, og umfjöllun. Hún mun eflaust gera það aftur núna.

Spennandi glæpasaga, spennandi höfundur – spennandi dagur!!!
Fimmtudaginn 10. desember 2009, kl. 17:15

Jólasöngvar í Ketilhúsinu

Örlygur Hnefill — Mon, 30 Nov 2009 22:17:29 +0000

Kvennakórinn Embla flytur jólasöngva í Ketilhúsinu föstudagskvöldið 11. desember kl. 20.00. Þetta er jólagjöf kórsins til Akureyringa þar sem allir eru velkomnir sem vilja þiggja og aðgangur að sjálfsögðu ókeypis. Sungin verða hefðbundin jólalög ásamt jólalögum eftir akureyrsk tónskáld. Undirleikari með kórnum á flautu, hljómborð og píanó er Helga Kvam. Stjórnandi er Roar Kvam.

Sjálfstyrking kvenna í Rósenborg

Örlygur Hnefill — Mon, 30 Nov 2009 22:16:30 +0000

Sr. Petrína Mjöll Jóhannesdóttir heldur námskeið í Rósenborg fyrir konur þar sem hún mun fjalla um sjálfsstyrkingu kvenna. Petrína hefur á undanförnum árum haldið fjölmörg námskeið í sjálfsstyrkingu bæði fyrir konur og einnig unglinga sem og um styrkingu sjálfsmyndar á heimilinu. Námskeiðið er í boði Glerárkirkju. Nú hvetjum við allar konur til þess að nýta sér tækifærið og koma að hlusta á þessa frábæru konu sér að kostnaðarlausu. Allir eru hjartanlega velkomnir. Skráning er til hádegis miðvikudaginn 9. desember á rosenborg@akureyri.is eða í síma 862 0129.

Fimmtudagur 10. desember kl. 10-12

LA frumsýnir Lykilinn að jólunum

Ingimar Björn — Tue, 24 Nov 2009 12:35:12 +0000

Nýtt hugljúft fjölskylduleikrit frumsýnt 27. nóvember í Rýminu. Höfundur Snæbjörn Ragnarsson, tónlist eftir hann og Baldur Ragnarsson. Hvernig kemst einn jólasveinn yfir að gefa í alla þessa skó á einni nóttu??? Svarið fæst í Lyklinum að jólunum!! Aðeins sýnt fram að jólum! sjá nánar: www.leikfelag.is

Útgáfutónleikar Ingu Eydal á Græna hattinum

Örlygur Hnefill — Tue, 24 Nov 2009 12:33:39 +0000

Útgáfutónleikar Ingu Eydal á Græna hattinum. Inga leikur ljúf og þægileg lög af plötu sinni “Ástarljóðið mitt”, sem kemur út þennan sama dag.

Einar Kára með námskeið um Sturlungu

Örlygur Hnefill — Thu, 05 Nov 2009 14:31:49 +0000

Skáldið og sagnameistarinn, Einar Kárason, verður með námskeið um Sturlungu á Sigurhæðum um næstu helgi. Námskeiðið hefst með “upphitun” á föstudagskvöldið klukkan 20 en síðan hefst leikurinn fyrir alvöru klukkan 10 á laugardaginn og stendur fram eftir degi. Í hádeginu verður boðið upp á velling og slátur að gömlum íslenskum sið. Einar Kárason er “drýgindalegur sögumaður, en hógvær og lítillátur þess á milli” sagði Bragi Kristjónsson, fornbókasali og heimspekingur, um Einar í síðustu Kilju. Einar þekkir Sturlungu eins og puttana á sér og mun hann meðal annars kenna þátttakendum á námskeiðinu hvernig best er að lesa þessa merku sögu, því hann telur vonlítið að ætla sér að byrja á fyrstu síðu og enda á þeirri síðustu!!!! En hvort heldur sem þekkja Sturlungu eða ekki, þá er næsta víst að þeir hafa gaman af námskeiði með Einari, því hann er með skemmtilegri sögumönnum landsins. 15-20 manns komast á námskeiðið, sem kostar 6.500 krónur. Vellingur og slátur innifalið. Bókanir í síma 462 6649 eða með tilkynningu á póstfangið gis@simnet.is.

Málmblásaratríó í Ketilhúsinu

Örlygur Hnefill — Thu, 05 Nov 2009 14:31:05 +0000

Tónlistarfélag Akureyrar í samstarfi við Menningarmiðstöðina Listagili og RUB23 bjóða til föstudagsfreistinga í Ketilhúsinu 6. nóvember 2009 kl. 12.15. Málmblásaratríó leikur verk eftir Johann Sebastian Bach, Georg Friedrich Händel og Francis Poulenc. Tríóið skipa þeir Vilhjálmur Ingi Sigurðarson trompet, Helgi Þ. Svavarsson horn og Kaldo Kiis básúna. Miðaverð er 2.000 kr., eldri borgarar 1.500 og [...]