Silja Björk formaður LMA 2010-2011 | Mynd: SE

„Það er gríðarleg spenna í hópnum. Þetta er búið að vera erfitt en það er gott að erfiðið er að fara að skila sér núna á föstudaginn“, sagði Silja Björk Björnsdóttir, formaður Leikfélags Menntaskólans á Akureyri, LMA. Næstkomandi föstudag mun LMA frumsýna söngleikinn Drama Lama – Dalai Lama í Rýminu.

Strangar æfingar hafa staðið yfir upp á síðkastið en að sögn Silju hefur allt gengið vel og er hún ánægð með hópinn. „Ég er búin að vera í leikfélaginu í 3 ár og þetta er besti hópur sem hefur verið í leikfélaginu. Allir mjög fagmannlegir og hlýða því sem þeim er sagt að gera og koma með nýjar hugmyndir. Mjög heilsteyptur og flottur hópur“

Verkið fjallar um 18 ára dreng að nafni Daníel sem lifir í hálf súrealískum heimi þar sem foreldrar hans eru ekki mjög metnaðarfullir fyrir hans hönd þegar hann reynir að ákveða hvað hann ætlar að verða í framtíðinni. Vinir hans eru gríðarlegir útlitsdýrkendur og verkið gerir grín að útlitsdýrkun samtímans. „Við erum með lög alls staðar að, bæði rokk- og popplög sem við erum búin að setja í nýjan búning. Þetta er bara gaman“, segir Silja.

Verkið er sett upp í samstarfi við Leikfélag Akureyrar. LMA fær afnot af Rýminu og aðstoð hvað varðar hljóð og ljós – einnig eru smiðir LA nemendum innan handar. Í staðinn fær LA prósentu af miðasölunni.

Það eru 5 sýningar á dagskrá og er uppselt á frumsýninguna núna 1. apríl. „Það eru örfáir miðar lausir á sýningarnar á laugardaginn og sunnudaginn svo það er um að gera að tryggja sér miða í tíma á miði.is eða í gegnum Hof.“ segir Silja.

Katharina, Alexandra, Salome og Kolbrún | Mynd: Sterling

Á miðvikudaginn var lögðu nokkrir nemendur Menntaskólans á Akureyri upp í óvissuferð til Þýskalands og Frakklands. Hópurinn er skipaður 19 nemendum 4. bekkjar í ferðamálafræði og gengur ferðin út á að skoða heiminn og vinna svo verkefni þegar heim er komið. Nemendunum var skipt upp í 5 hópa og hver hópur fékk eina borg til að skoða og fjalla um. Tveir hópar fóru til Þýskalands, annar til Koblenz og hinn til Wiesbaden. Þrír fóru svo til Frakklands, til Rennes, Reims og Orleans, einn til hverrar borgar. Nemendurnir komu svo til baka á sunnudagsmorgunn.

Þær Kolbrún Kara Pálsdóttir, Alexandra Dögg Stefánsdóttir, Salome Konráðsdóttir og Katharina Lethaus eru einar af nítján nemendum í ferðamálafræði og öll þessi önn hefur snúist um að skrifa ritgerð um þessar fimm fyrrnefndu borgir. Þær fengu þó ekki að vita fyrr en rétt fyrir flug til hvaða borgar þær myndu fara og með hverjum þær yrðu í hóp. „Það var dregið í fyrsta tímanum á fyrri önninni og við fengum ekki að vita neitt. Þetta var voða spennandi hjá kennurunum að segja okkur ekki neitt.“ segir Kolbrún. Það kom svo í ljós í Leifstöð að þær væru saman í hópi og þeirra biði flug til Parísar og þaðan lestarferð til Rennes í norðvestur Frakklandi.

Þær voru ekki alveg sammála hvernig þeim leið að vita ekki hvert þær væru að fara, sumum þótti það spennandi en öðrum óþægilegt, en þegar til Rennes var komið „tékkuðum við okkur inn á hostelið. Við vorum í pínulitlu herbergi með fjórum rúmum sem brakaði frekar mikið í. En þetta var alveg nóg, þetta var hreint og það var sér bað, en reyndar bara sameiginlegt klósett.“ Rennes er 200.000 manna borg en mun þjappaðri en höfuðborgarsvæðið á Íslandi. „Það er allt í 5 mínútna göngufæri og það er stutt í allt.“ sögðu stúlkurnar

Tilgangurinn með ferðinni er að nemendur nýti sér þekkinguna sem þeir hafa viðað að sér á önninni og geri kynningarmyndband um borgina. „Við vorum að vakna um sjö, hálfátta á morgnana, fórum með myndavélina og skoðuðum eiginlega allt sem var í ritgerðinni.“ Þær hafa lært frönsku í nokkur ár og sögðust hafa náð að bjarga sér sæmilega með hana. „Við vorum búnar að búast við því að Frakkar hefðu enga þjónustulund og vildu ekki tala ensku við okkur og það var búið að lýsa þeim sem mjög dónalegum en eiginlega allir sem við hittum voru mjög góðir. Töluðu litla ensku en buðust alltaf til að hjálpa okkur þannig að við fengum mjög góða mynd af Frökkum í ferðinni.“

Upptaka í gangi

Ferðin var þó ekki eintóm alvara því „á laugardaginn klukkan tvö vorum við búnar með efnið og búnar að fylla minniskortin svo við fórum í garðinn að sleikja sólina og að versla. Á kvöldin fórum við út að borða og kíktum kannski aðeins á pöbb. Aðeins að kynnast því hvernig menningin er öðruvísi. Við kynntumst líka nokkrum strákum sem við hittum á bar og erum í smá sambandi við þá í gegnum facebook. Alltaf gaman að eignast vini.“

Smá afslöppun

Ferðin var frábær að þeirra sögn þrátt fyrir smá stress í byrjun. „Svo var þetta ekkert mál. Bara gaman að komast út. Betra veður, enginn snjór. Fínt að vera í sólinni í 15 stiga hitanum. Við vorum mjög heppnar með veður, hjá einum hópnum var mígandi rigning allan tímann. Það var samt smá stress að koma sér í lestar og svoleiðis á réttum tíma. Við ætluðum t.d. að láta panta taxa fyrir okkur á sunnudagsmorguninn en maðurinn í móttökunni á hostelinu skildi ekki orð, þannig að morguninn eftir spurðum við konu í móttökunni og hún sagðist ekkert vita. Þá vorum við búnar að bíða í 10 mínútur eftir leigubíl sem var ekki einu sinni búið að panta. Við ætluðum að vera tímanlega en á endanum þurftum við að fara í neðanjarðarlest sem við höfðum aldrei notað áður til að komast til Parísar og í flugið heim, en það tókst á endanum. Þetta er miklu auðveldara en maður hélt að það yrði.“

Á næstu vikum bíður þeirra svo það verkefni að vinna úr öllu því efni sem þær söfnuðu á þessum 3 dögum í Rennes, klippa kynningarmyndbandið, vinna úr viðtölum og vinna ljósmyndir. Verkefni hópanna fimm verða svo til sýnis í lok annar. Þær voru allar mjög ánægðar með ferðina og með ferðamálafræðina í heild. „Ég held að ferðamálafræðin sé að verða mjög vinsæl í háskólum svo ég held að það sé gott að MA sé með svona gott prógram á því sviði“, sagði Alexandra og Kolbrún bætti við „ég öfunda krakkana í 3. bekk sem eru að fara á næsta ári.“

Í miðbænum í Rennes. Frá vinstri: Salome, Katharina, Alexandra og Kolbrún

Róbert F. Sigurðsson sögukennari við Menntaskólann á Akureyri var valinn til að skrifa þetta kennsluefni. Í verklýsingu fyrir samkeppnina í vor kom meðal annars fram að þekking ungs fólks á verkalýðshreyfingunni, sögu hennar og hlutverki, væri orðin lítil og nauðsynlegt að semja aðgengilegt efni til þess að fræða megi skólafólk um hreyfinguna, hvaða máli hún hefur skipt í lífi launafólks og hverju hún getur með samtakamætti fólksins fengið áorkað. Gert er ráð fyrir að þetta verði allt að 40 blaðsíðna bók, sem gefin verður út í 5000 eintökum og dreift meðal nemenda 9. og 10. bekkjar í öllum grunnskólum landsins. Bókinni munu fylgja kennaraleiðbeiningar og verkefni handa nemendum.

Elvis sjálfur reis upp frá dauðum í fjölriti á Akureyri í dag. Mynd/Ingimar

Þegar lofthitinn í bænum fer smá saman að fikra sig upp í tveggja stafa tölur streyma bæjarbúar út á göturnar. Veðurstofan spáir reyndar rigningu á morgun og skýjuðu næstu daga, en sunnudagurinn ætti að verða sólríkur og góður.

Í dag leyndust á meðal virðulegra borgara Elvis-eftirhermur, sæðisfrumur og ýmis furðudýr. Þetta eru að sjálfsögðu stúdentsefni Menntaskólans á Akureyri sem nú eru að dimmitera.

Ljósmyndari akureyri.net rakst á þennan vagn fullan af Elvis-um á ferð sinni um bæinn. Þessir kátu krakkar virtust njóta veðurblíðunar til hins ítrasta, rúntuðu dregin í dráttarvél um bæinn, kættu bæjarbúa með tónlist eftirstríðsárana, og kvöddu um leiðmenntaskólaárin, kennarana og æskuna með stæl.

Þessi tók tvist.

Stúdentsefnin nutu dagsins!

4.X veifar gestum Glerártorgs.

Elvis vakti athygli vegfarenda á Glerárgötu.

Nánar á www.ma.is

Saga MA kom út í þremur bindum í tilefni að 100 ára afmæli skólans árið 1980, þegar eitt hundrað ár voru liðin frá endurvakningu hins norðlenska skóla á Möðruvöllum í Hörgárdal 1880 og fimmtíu ár voru liðin frá því skólinn fékk
leyfi til að brautskrá stúdenta 1930.

Fjórða bindið spannar söguna frá því um 1980 fram um 2005, eða næsta aldarfjórðunginn eftir fyrstu bindin þrjú.

Ritstjóri þessa bindis Sögu MA er Jón Hjaltason en ritnefnd ásamt honum skipuðu Jón Már Héðinsson skólameistari, Sigríður Steinbjörnsdóttir, Úlfar Hauksson og Valdimar Gunnarsson. Myndaritstjórn annaðist Sverrir Páll Erlendsson og Lára Ólafsdóttir gerði skrár. Tryggvi Gíslason fyrrverandi skólameistari safnaði efni til sögunnar og ritaði drjúgan hluta hennar.

Útkomu bókarinnar hefur seinkað nokkuð því vinnsa hennar tók heldur lengri tíma en til stóð. Margir hafa þegar greitt fyrir bókina og í bókarlok er Tabula gratulatoria með nöfnum áskrifenda. Bókin verður til sölu í tengslum við Skólahátíð MA eftir helgina.

Að þessu sinni brautskráir skólameistari, Jón Már Héðinsson, 159 stúdenta, en þeir hafa aldrei í sögu skólans verið fleiri.
Við skólaslit munu fulltrúar nokkurra afmælisárganga flytja skólanum ávörp. Í hópi þeirra er Ármann Snævarr, fyrrverandi háskólarektor, en sjötíu ár eru frá því hann lauk stúdentsprófi frá skólanum.

Skólahátíð Menntaskólans á Akureyri er gríðarlega fjölmenn hátíð sem setur mikinn svip á bæjarlífið á Akureyri dagana í kringum 17. júní ár hvert. Til bæjarins koma gamlir nemendur skólans og fagna tímamótum sem standa á heilum og hálfum tug ára frá því þeir luku stúdentsprófi. MA-hátíðin er mesti samfagnaður afmælisárganganna og er haldinn að kvöldi 16. júní í Höllinni, en dagana á undan eru flestir hóparnir í alls kyns kynnisferðum og fögnuði í bænum og nágrenni hans. Gestir á MA-hátíð eru jafnan á bilinu 700-900.

Við skólaslitaathöfnina að morgni 17. júní eru jafnan um 1000 manns, ættingjar og vinir nýstúdenta og aðrir hollvinir skólans. Að kvöldi 17. júní er hátíðarsamkoma nýstúdenta í Höllinni þar sem saman koma um 1000 manns, nýstúdentar, fjölskyldur þeirra og vinir og kennarar og starfsfólk skólans. Bæði þar og á MA-hátíðinni kvöldið áður mun hljómsveitin Í svörtum fötum leika fyrir dansi.
Að lokinni brautskráningu er hefð að teknar séu hópmyndir af nýstúdentum í trjálundi norðan við Hóla. Klukkan 15-17 er svo Opið hús í Menntaskólanum, þar sem boðið er upp á léttar veitingar. Þar eru sýnd ýmis verk nemenda, bæði námsverkefni og myndlistarverkefni. Þá er á Suðurvistum í Gamla skóla opin sýning gamalla muna og kennslutækja. Fjölmargir koma í heimsókn í skólann að þessu tilefni, gamlir nemendur koma og skoða fornar slóðir og gleðjast í minningum liðinnar tíðar og nýstúdentar koma með fjölskyldum sínum um leið og þeir anda að sér í síðasta sinn þeim ilmi sem þeir hafa í vitum alla tíð síðan og dregur þá heim á tímamótum, eins og dæmin sanna.

Verðlaunin afhenti Árni Már Heimisson, sem var Íslandsmeistari og Norðurlandameistari í pípulögnum 2007 og tók þátt í World Skills 2007, Heimsmóti iðngreina, í Japan fyrir Íslands hönd, fyrstur Íslendinga til að taka þátt í því móti.

Markmið Íslandsmóts iðngreina, sem Iðnmennt stendur fyrir, er að vekja athygli á iðn- og starfsmenntun, kynna almenningi iðngreinar – ekki síst ungu fólki – og vekja athygli á þeim tækifærum sem felast í námi og starfi í iðngreinum. Alls voru á mótinu fulltrúar um 20 iðn- og starfsgreina, en auk greinanna sem keppt var í voru kynningar á nokkrum greinum, auk þess sem iðn- og verkmenntaskólar landsins og Samband íslenskra framhaldsskólanema kynntu starfsemi sína. Íslandsmót iðngreina er undanfari og forkeppni einstakra keppnisgreina fyrir þátttöku í Euro Skills og World Skills sem er alþjóðleg keppni iðngreina. Meira var lagt í keppnisgreinarnar nú en áður og viðfangsefnin í flestum tilvikum veigameiri og meira krefjandi. Markmiðið með breyttu fyrirkomulagi er m.a. að auka þátttöku atvinnulífsins í mótinu og efla tengslin milli þess og iðnskólanna.

Líkt og undanfarin ár sá Iðnmennt um almennan undirbúning og skipulagningu mótsins en að þessu sinni sáu AP almannatengsl um kynningarmál og framkvæmd viðburðarins. Að skipulagningu keppnisgreina komu Félag hársnyrtisveina, Félag íslenskra snyrtifræðinga, Félag pípulagningameistara, Félag vélstjóra og málmtæknimanna, Rafiðnaðarsamband Íslands og IÐAN – fræðslusetur. Aðalbakhjarlar mótsins voru Samtök iðnaðarins og menntamálaráðuneytið. Mótið í ár var haldið í tengslum við sýninguna Verk og vit 2008.

Það er stjórn Hugins, skólafélags MA, sem skipuleggur og undirbýr þessa viðamiklu dagskrá.

Frétt af www.ma.is

Þar segir ennfremur: „Börn Guðmundar Ingva og Kristínar, Þórunn, Þórður Ingvi og Sigurður afhentu gripina góðu og með þeim í hópi var Sigurður Ólafsson kennari, en þau eru bræðrabörn. Alnafni Sigurðar skólameistara, Sigurður Guðmundsson landlæknir hafði orð fyrir hópnum og vonaðist til að þessi gamla en góða klukka flytti skólanum góðan anda. Jón Már skólameistari þakkaði góðar gjafir og bað nemendur að finna klukkunni stað þar sem hún myndi njóta sín best.“

www.ma.is

Gott tækifæri gefst þarna fyrir áhugasama til að skoða yfir 500 námsleiðir sem háskólarnir bjóða upp á.

Þorsteinn segir að í þessum heimsóknum sé farið yfir gildi þess að vera í stéttarfélögum og eins er farið yfir almenn réttindi og skyldur á vinnumarkaði. “Undirtektir unglinganna eru mjög góðar og skapast oft góðar umræður um þessi mál,” segir Þorsteinn og bætir við að þessi fræðsla skipti heilmiklu máli. “

www.ein.is

Menntaskólinn hóf kennslu á þessari braut haustið 2005 en þá fór af stað fjögurra ára þróunarverkefni sem miðar að því að koma til móts við nemendur sem hafa áhuga og getu til að flýta námi sínu til stúdentsprófs um eitt ár. Á brautinni er áhersla lögð á fjölbreytta kennsluhætti og námsmat og reynt er eftir megni að miða námið að þörfum hvers og eins. Fyrstu tvö árin lofa mjög góðu, nemendur hafa aðlagast vel í skólanum og náð afbragðs árangri, og þriðji hópurinn, sem byrjaði nú í haust, lofar afar góðu. Þessi tilraun hefur spurst út víða og nú þegar hafa að minnsta kosti tveir framhaldsskólar í Reykjavík fylgt fordæmi MA og taka inn nemendur strax eftir 9. bekk grunnskóla.

Á almennri námsbraut, hraðlínu, taka nemendur sömu áfanga og kenndir eru á fyrsta ári í MA, auk þess að ljúka viðfangsefnum 10. bekkjar. Miðað er veið að bekkir séu litlir, 15-20 nemendur. Áhersla er lögð á góða samvinnu við foreldra, öfluga umsjón með nemendum, góð vinnubrögð og að tengja saman námsefni grunn- og framhaldsskóla. Að loknu þessu fyrsta ári geta nemendur sest í 2. bekk í MA.

Við inntöku á hraðlínuna er litið til þriggja þátta; einkunna, umsagnar frá grunnskóla og viðtala við nemendur og foreldra. Reynslan sýnir þegar að þessi námsleið hentar vel dugmiklum nemendum sem hafa áhuga á bóklegu námi. Reynslan sýnir enn fremur að nemendur á hraðlínu hafa lagast mjög vel að skólalífinu og tekið þátt í félagsstarfi fullkomlega á við aðra nemendur fyrsta bekkjar í Menntaskólanum á Akureyri, segir í fréttatilkynningu.

Rétt er að nefna að í ár er 80 ára afmæli skólafélagsins Hugins og því verður árshátíðin enn stórbrotnari en venjulega. Hátt í þúsund manns, nemendur, kennarar og starfsfólk, munu mæta í hátíðarbúningi í höllina og njóta kvöldsins saman. Veitingahúsið Bautinn sér um matinn, en nemendur sjá um að þjóna til borðs, leika tónlist undir borðum og flytja skemmtidagskrá. Kvöldinu lýkur svo með dansleik en þar leikur hljómsveitin Gus Gus fyrir dansi í aðalsal, en Þuríður formaður og hásetarnir leika fyrir gömlum dönsum á efri hæðinni.

Árshátíð MA er stærsta vímulausa hátíð sem haldin er árlega á Íslandi. Hugtakið vímulaus hátíð þýðir í Menntaskólanum á Akureyri að þátttakendur hvorki neyta áfengis eða annarra vímugjafa á hátíðinni né koma þangað eftir að hafa neytt þeirra annars staðar. Það er fréttnæmt, segir í tilkynningunni, og hlýtur að teljast til góðra frétta. Góðar fréttir af ungu fólki eru ekki síður fréttir en þegar einhver vandræði koma upp. Nemendur MA telja það forréttindi að fá tækifæri til að njóta vímulausrar stórhátíðar þegar eðlilegt er talið að fólk á þessum aldri skemmti sér með öðru móti.

Um 20 nemendur fóru létt með það að flytja litskrúðugt og líflegt atriði á sviði og nutu dyggrar aðstoðar annarra nemenda og starfsfólks brautarinnar sem fóru á kostum í stuðningi sínum, segir á www.vma.is

Á kynningardeginum verður sagt stuttlega frá skólanum og skólastarfinu, nemendur segja frá félagsstarfinu og því 
fjölbreytilega og þroskandi lífi sem nemendum býðst að taka þátt í utan kennslustunda, og forráðamenn fá færi á að hitta umsjónarkennara barna sinna og ræða við þá og fræðast af þeim.

Í hléi verður hlaðborð með kaffiveitingum í boði nemenda 3. bekkjar, en að lokum verður blásið til aðalfundar FORMA, Foreldrafélags MA.

Samband MA við foreldra og forráðamenn nemenda eykst með ári hverju, ekki síst eftir breytingar á reglum um forræði yfir unglingum. Allir bekkir skólans eiga sér umsjónarkennara og fyrstubekkingar og nemendur annars bekkjar jafnan tvo. Umsjónarkennararnir hafa viðtalstíma, sem auglýstir eru á Vef MA og foreldrum og forráðamönnum, gefst færi á að hitta þá á viðtalstímum eða hafa símasamband, ef ræða þarf einhver hagsmunamál nemendanna.

Nemendavernd í skólanum er mjög mikil. Starfandi er forvarnafulltrúi og tveir náms- og starfsráðgjafar, en á vegum þeirra er meðal annars veitt þjónusta vegna margvíslegra persónulegra mála, sem nemendur eiga við að etja, til dæmis dyslexíu. Nemendaverndin hefur vaxið mjög á undanförnum árum og þjónusta við nemendur þar með aukist.

Menntaskólinn á Akureyri býður öllum foreldrum og forráðamönnum nýnema þetta haustið að koma á kynningardaginn og efla með því samband skólans og forráðamanna nemendanna.

Evrópumerkið, sem veitt er á Evrópskum tungumáladegi 26. september 2007, er skólanum mikil heiðursviðurkenning, en skólinn hlýtur það fyrir framúrskarandi árangur í þróunarverkefni á ferðamálakjörsviði málabrautar, þar sem samtvinnuð eru fjölmörg tungumál, saga, náttúru- og landafræði og byggist á samvinnu kennara ólíkra námsgreina.

Árný Helga, brautarstjóri málabrautar MA, og Margrét Kristín, umsjónarmaður ferðamálakjörsviðsins, tóku við Evrópumerkinu fyrir hönd skólans úr hendi menntamálaráðherra, Þorgerðar Katrínar Gunnarsdóttur, en jafnframt voru við athöfnina kynnt tvö önnur verkefni sem athyglisverð þóttu.

Á myndinni, sem er af vef MA, eru Jón Már Héðinsson skólameistari, Árný Helga Reynisdóttir, Þorvaldur Lúðvík Sigurjónsson forstjóri Saga Capital, sem heimsótti skólann í tilefni tungumáladagsins, og Margrét Kristín Jónsdóttir.

www.ma.is