Gestur Hovgaard mun ræða stöðu Færeyja sem smáríkis – efnahagslegar áskoranir og veikleika. Gestur Hovgaard er lektor við Sögu og samfélagsdeild Fróðskaparseturs Færeyja.  Hann lauk doktorsprófi í félagsfræði frá Háskólanum í Roskilde í Danmörku og starfaði þar sem kennari um skeið. Helstu rannsóknasvið Gests hafa verið nýsköpun og svæðaþróun. Um árabil var hann framkvæmdastjóri Rannsóknaseturs byggðamála í Færeyjum. Þá hefur hann verið stjórnarformaður fyrirtækisins Atlantic Biotechnology.

Skiptar skoðanir eru á meðal vísindamanna um túlkun á stofngerð karfa í hafsvæðinu. Magnús og félagar telja að jarðsagan geti útskýrt núverandi stofngerð. Þeir telja að karfinn, sem var búsettur í Norður-Atlantshafi fyrir síðustu ísöld, hafi þurft að hopa sunnar í Atlantshafið eftir því sem jaðar íssins færðist sunnar. Talið er að íshellan hafi skilið eftir nokkur mismunandi athvörf fyrir sjávardýr. Rannsóknir þeirra félaga gefa til kynna að sá karfastofn, sem búsettur var í Irmingerhafi fyrir síðustu ísöld, hafi klofnað í tvennt á sama tíma og klakabrynjan læsti sig í lönd og höf norðurhvelsins.

Niðurstöðurnar sýna að lífsskilyrði svo sem fæða og afræningjar hafi verið mismunandi í ísaldarathvörfunum og að stofnbrotin hafi þar með þróast á mismunandi hátt eftir því. Þegar ísöld lauk fyrir um það bil átta þúsund árum, komust karfastofnarnir aftur í snertingu hvor við annan. Þar sem þeir þróuðust í tvær ólíkar áttir á ísöld, þá hefur sá erfðabreytileiki, sem safnast hefur upp með tímanum, valdið því að blendingar á milli stofnanna geta illa fótað sig í því lífríki sjávarins sem blasir við í nútímanum. Þannig hefur munurinn á milli stofnanna styrkt stofngerðina eins og hún er nú í Irmingerhafi.

Magnús ætlar sýna hvernig þekking á þróunarsögu karfans í Irmingerhafi geti nýst við stjórn veiða úr stofnunum. Í lok fyrirlestursins ætlar Magnús að fjalla stuttlega um áform sín á sviði sjávarlíftækni við Háskólann á Akureyri og hjá BioPol ehf.

Aðalfyrirlesarar verða:

• Monika Vinterek dósent við Háskólann í Umeå í Svíþjóð
• Rósa Kristín Júlíusdóttir lektor við Háskólann á Akureyri
• Ágúst Ólason aðstoðarskólastjóri Norðlingaskóla í Reykjavík

Auk aðalfyrirlestra verða málstofur þar sem reifuð verða ýmis mál er lúta að framsækni í kennslu og virku námi.

Ráðstefnan fer fram í húsnæði Háskólans á Akureyri, Sólborg við Norðurslóð.

Í fyrirlestrinum verður fjallað um hvernig hugmyndir um karlmennsku hafa endurspeglast í hagnýtingu manna á Jóni Sigurðssyni forseta (1811–1879), hvernig reynt hefur verið að gera hann að táknrænum föður íslenska þjóðríkisins. Spurt verður hvort sú tákngerving hafi jafnvel gert hann að eins konar andhverfu fjallkonunnar, að fjallkarli Íslands.

Frá því seint á 19. öld hefur viðleitnin til að minnast Jóns Sigurðssonar tekið á sig margvíslegar myndir. Hann hefur orðið að þjóðlegri táknmynd sem t.a.m. hefur birst í bókum, minningarritum, tímarits- og blaðagreinum, kveðskap, hátíðarhöldum, minnismerkjum, minjagripum, myndum, málverkum, sögusýningum og uppbyggingu sögustaða. Karlar hafa staðið framarlega í þessari uppbyggingu á ímynd Jóns forseta enda hafa konur ekki farið að hasla sér völl á hinum opinbera vettvangi að verulegu marki fyrr en á síðustu áratugum. Þeir hafa ítrekað reynt að gera Jón að samherja sínum í pólitískum hitamálum og tjáð ást sína á honum í máli og myndum, sett hann á stall þar sem hann virðist standa enn. Í þessari ímyndarsköpun endurspeglast ævagömul tvíhyggja þar sem karlar eru tengdir við skynsemi og framtak en konur við tilfinningar og hið óbreytanlega. Í fyrirlestrinum verður fjallað um þessa minningarvæðingu með því að taka dæmi um ólíka minningarhætti.

Páll Björnsson nam sagnfræði við Háskóla Íslands, Universität Göttingen, Universität Freiburg og University of Rochester (NY), þaðan sem hann lauk doktorsprófi. Hann hefur m.a. starfað við Hugvísindastofnun og ReykjavíkurAkademíuna, og er nú dósent í nútímafræði við Háskólann á Akureyri. Hann var formaður Sagnfræðingafélags Íslands 2000–2004 og annar af ritstjórum Sögu. Tímarits Sögufélags 2003–2008. Hann hefur m.a. fengist við rannsóknir á tengslum líberalisma, þjóðernishyggju og kyngervis.

Allir velkomnir!

Silja Björk formaður LMA 2010-2011 | Mynd: SE

„Það er gríðarleg spenna í hópnum. Þetta er búið að vera erfitt en það er gott að erfiðið er að fara að skila sér núna á föstudaginn“, sagði Silja Björk Björnsdóttir, formaður Leikfélags Menntaskólans á Akureyri, LMA. Næstkomandi föstudag mun LMA frumsýna söngleikinn Drama Lama – Dalai Lama í Rýminu.

Strangar æfingar hafa staðið yfir upp á síðkastið en að sögn Silju hefur allt gengið vel og er hún ánægð með hópinn. „Ég er búin að vera í leikfélaginu í 3 ár og þetta er besti hópur sem hefur verið í leikfélaginu. Allir mjög fagmannlegir og hlýða því sem þeim er sagt að gera og koma með nýjar hugmyndir. Mjög heilsteyptur og flottur hópur“

Verkið fjallar um 18 ára dreng að nafni Daníel sem lifir í hálf súrealískum heimi þar sem foreldrar hans eru ekki mjög metnaðarfullir fyrir hans hönd þegar hann reynir að ákveða hvað hann ætlar að verða í framtíðinni. Vinir hans eru gríðarlegir útlitsdýrkendur og verkið gerir grín að útlitsdýrkun samtímans. „Við erum með lög alls staðar að, bæði rokk- og popplög sem við erum búin að setja í nýjan búning. Þetta er bara gaman“, segir Silja.

Verkið er sett upp í samstarfi við Leikfélag Akureyrar. LMA fær afnot af Rýminu og aðstoð hvað varðar hljóð og ljós – einnig eru smiðir LA nemendum innan handar. Í staðinn fær LA prósentu af miðasölunni.

Það eru 5 sýningar á dagskrá og er uppselt á frumsýninguna núna 1. apríl. „Það eru örfáir miðar lausir á sýningarnar á laugardaginn og sunnudaginn svo það er um að gera að tryggja sér miða í tíma á miði.is eða í gegnum Hof.“ segir Silja.

Lee Buchheit er lögmaður og sérfræðingur í alþjóðlegum lánasamningum og skuldasamningum sjálfstæðra ríkja og hefur  leitt starf samninganefndar Íslands um Icesave-samningana frá því snemma árs 2010.
Fyrirlesturinn fer fram á ensku og eru allir velkomnir!

Smásagan Hörpuslag verður lesin upp í öllum grunnskólum landsins þ.á.m. Brekkuskóla

Fimmtudaginn 31. mars verður ný, íslensk smásaga frumflutt samtímis í öllum grunnskólum landsins, kl. 9.45. Sagan verður jafnframt lesin á Rás 1 í sömu andrá svo öll þjóðin geti fylgst með. Kristín Helga Gunnarsdóttir rithöfundur skrifaði söguna Hörpuslag fyrir börn á aldrinum 6-16 ára í tilefni dags barnabókarinnar að beiðni IBBY á Íslandi.

Hörpuslag segir af systkinum sem eru á leið í skólann þar sem á að lesa upp nýja íslenska smásögu fyrir alla grunnskólanema á Íslandi. Á þeirri örstuttu leið þurfa þau að keppa við tímann, glíma við dauðann, takast á við kaldrifjaðar hulduverur í klettahöll og færa miklar fórnir. Sagan spyr áleitinna spurninga um sjálfstæði, frjálsan vilja og virði þess sem manni er kærast.

Fram kemur í fréttatilkynningu frá IBBY á Íslandi að sagan verði lesin fyrir grunnskólabörn á öllum aldri í leikfimisölum, smíðastofum, á sal og í sundlaugum, í frímínútum og í dönskutímum, allt eftir því hvernig hver skóli kjósi að fella upplesturinn að stundaskrám nemenda.

Tilgangurinn er að fagna degi barnabókarinnar með notalegri sögustund og vekja um leið athygli á sameiningarmætti skáldskaparins. Einnig með því að flytja söguna fyrir mörg þúsund lensendur í einu sé mögulegt að skapa bókmenntarumræðu sem nær til samfélagsins alls.

Mynd: Palli Jóh

Á fundi skólanefndar sem haldinn var 21. mars var lögð fram tillaga að úthlutun til kennslu í grunnskólum Akureyrarbæjar skólaárið 2011-2012.  Tillaga byggir á því að samkvæmt fjárhagsáætlun ársins 2011 var gert ráð fyrir örlítilli fækkun kennslustunda. Meðal breytinga er m.a. gert ráð fyrir því að Naustaskóli stækki og bæti við sig nemendum á móti kemur fækkun í öðrum skólum sem því nemur. Stöðugildum mun fjölga í Naustaskóla, Brekkuskóla og Giljaskóla. Í Hlíðarskóla, Hríseyjarskóla og Grímseyjarskóla verða engar breytingar, en þeim fækkar lítillega í Oddeyrarskóla, Glerárskóla, Lundarskóla og Síðuskóla. Tillagan var samþykkt.

Katharina, Alexandra, Salome og Kolbrún | Mynd: Sterling

Á miðvikudaginn var lögðu nokkrir nemendur Menntaskólans á Akureyri upp í óvissuferð til Þýskalands og Frakklands. Hópurinn er skipaður 19 nemendum 4. bekkjar í ferðamálafræði og gengur ferðin út á að skoða heiminn og vinna svo verkefni þegar heim er komið. Nemendunum var skipt upp í 5 hópa og hver hópur fékk eina borg til að skoða og fjalla um. Tveir hópar fóru til Þýskalands, annar til Koblenz og hinn til Wiesbaden. Þrír fóru svo til Frakklands, til Rennes, Reims og Orleans, einn til hverrar borgar. Nemendurnir komu svo til baka á sunnudagsmorgunn.

Þær Kolbrún Kara Pálsdóttir, Alexandra Dögg Stefánsdóttir, Salome Konráðsdóttir og Katharina Lethaus eru einar af nítján nemendum í ferðamálafræði og öll þessi önn hefur snúist um að skrifa ritgerð um þessar fimm fyrrnefndu borgir. Þær fengu þó ekki að vita fyrr en rétt fyrir flug til hvaða borgar þær myndu fara og með hverjum þær yrðu í hóp. „Það var dregið í fyrsta tímanum á fyrri önninni og við fengum ekki að vita neitt. Þetta var voða spennandi hjá kennurunum að segja okkur ekki neitt.“ segir Kolbrún. Það kom svo í ljós í Leifstöð að þær væru saman í hópi og þeirra biði flug til Parísar og þaðan lestarferð til Rennes í norðvestur Frakklandi.

Þær voru ekki alveg sammála hvernig þeim leið að vita ekki hvert þær væru að fara, sumum þótti það spennandi en öðrum óþægilegt, en þegar til Rennes var komið „tékkuðum við okkur inn á hostelið. Við vorum í pínulitlu herbergi með fjórum rúmum sem brakaði frekar mikið í. En þetta var alveg nóg, þetta var hreint og það var sér bað, en reyndar bara sameiginlegt klósett.“ Rennes er 200.000 manna borg en mun þjappaðri en höfuðborgarsvæðið á Íslandi. „Það er allt í 5 mínútna göngufæri og það er stutt í allt.“ sögðu stúlkurnar

Tilgangurinn með ferðinni er að nemendur nýti sér þekkinguna sem þeir hafa viðað að sér á önninni og geri kynningarmyndband um borgina. „Við vorum að vakna um sjö, hálfátta á morgnana, fórum með myndavélina og skoðuðum eiginlega allt sem var í ritgerðinni.“ Þær hafa lært frönsku í nokkur ár og sögðust hafa náð að bjarga sér sæmilega með hana. „Við vorum búnar að búast við því að Frakkar hefðu enga þjónustulund og vildu ekki tala ensku við okkur og það var búið að lýsa þeim sem mjög dónalegum en eiginlega allir sem við hittum voru mjög góðir. Töluðu litla ensku en buðust alltaf til að hjálpa okkur þannig að við fengum mjög góða mynd af Frökkum í ferðinni.“

Upptaka í gangi

Ferðin var þó ekki eintóm alvara því „á laugardaginn klukkan tvö vorum við búnar með efnið og búnar að fylla minniskortin svo við fórum í garðinn að sleikja sólina og að versla. Á kvöldin fórum við út að borða og kíktum kannski aðeins á pöbb. Aðeins að kynnast því hvernig menningin er öðruvísi. Við kynntumst líka nokkrum strákum sem við hittum á bar og erum í smá sambandi við þá í gegnum facebook. Alltaf gaman að eignast vini.“

Smá afslöppun

Ferðin var frábær að þeirra sögn þrátt fyrir smá stress í byrjun. „Svo var þetta ekkert mál. Bara gaman að komast út. Betra veður, enginn snjór. Fínt að vera í sólinni í 15 stiga hitanum. Við vorum mjög heppnar með veður, hjá einum hópnum var mígandi rigning allan tímann. Það var samt smá stress að koma sér í lestar og svoleiðis á réttum tíma. Við ætluðum t.d. að láta panta taxa fyrir okkur á sunnudagsmorguninn en maðurinn í móttökunni á hostelinu skildi ekki orð, þannig að morguninn eftir spurðum við konu í móttökunni og hún sagðist ekkert vita. Þá vorum við búnar að bíða í 10 mínútur eftir leigubíl sem var ekki einu sinni búið að panta. Við ætluðum að vera tímanlega en á endanum þurftum við að fara í neðanjarðarlest sem við höfðum aldrei notað áður til að komast til Parísar og í flugið heim, en það tókst á endanum. Þetta er miklu auðveldara en maður hélt að það yrði.“

Á næstu vikum bíður þeirra svo það verkefni að vinna úr öllu því efni sem þær söfnuðu á þessum 3 dögum í Rennes, klippa kynningarmyndbandið, vinna úr viðtölum og vinna ljósmyndir. Verkefni hópanna fimm verða svo til sýnis í lok annar. Þær voru allar mjög ánægðar með ferðina og með ferðamálafræðina í heild. „Ég held að ferðamálafræðin sé að verða mjög vinsæl í háskólum svo ég held að það sé gott að MA sé með svona gott prógram á því sviði“, sagði Alexandra og Kolbrún bætti við „ég öfunda krakkana í 3. bekk sem eru að fara á næsta ári.“

Í miðbænum í Rennes. Frá vinstri: Salome, Katharina, Alexandra og Kolbrún

Mynd: Palli Jóh

Tíundabekkjarnemendur standa senn frammi fyrir því að velja sér framhaldsskóla.  For innritun nemenda í framhaldsskóla hefst 21. mars og stendur til 1. apríl og loka innritun er síðan 3. – 9. júní. Að því tilefni býður Menntaskólinn  á Akureyri  nemendum í 10. bekk, foreldrum og öðrum áhugasömum á opið hús, til að kynna sér líf og nám í MA, fimmtudaginn 24. mars frá kl. 16:00-17:30.

Á þeim tíma verður óformleg dagskrá í Kvosinni á Hólum og nálægum kennslustofum en meðal þess sem má sjá er:

* Kynning á nýju námskránni í MA
* Kynning á námsbrautum í skólanum
* Kynning á Íslands áfanganum, nýjung í skólastarfinu sem hefur gefist afar vel
* Kynning á ferðamálakjörsviði

Auk þess verða ýmsar uppákomur:

* Stæðfræðiþrautir í umsjá kennara 1. bekkjar, með skemmtilegum verðlaunum
* Spurningaþrautir Gettu betur-liðsins, líka með verðlaunum
* Tækjasýning nemenda á eðlisfræðibraut
* Sýning á atriðum úr splunkunýjum söngleik Leikfélags MA
* Tónlistaratriði nemenda.
* Heimavistin verður opin þeim sem vilja kynna sér hana

Kennarar í skólanum, námsráðgjafar og stjórnendur verða til skrafs og ráðagerða.

Starfsfólk Menntaskólans á Akureyri býður alla velkomna

Grétar Þór mun fjalla um meginatriði í byggða- og uppbyggingarstefnu ESB, hvaða markmið og áætlanir þar undir taka til byggðamála. Einnig mun hann reyna að leggja mat á úr hvaða styrktarsjóðum kann að vera hægt að fá fjármagn eða aðstoð.

Grétar Þór er prófessor við Háskólann á Akureyri og hefur unnið að fjölmörgum rannsóknum á sviði byggðamála. Hann er fyrrverandi stjórnarmaður í norrænu byggðarannsóknastofnuninni Nordregio og er í dag Íslandstengiliður í ESPON, áætlun Evrópusambandsins um rannsóknir í byggða og svæðamálum.

Allir velkomnir!

Mynd: Palli Jóh

Í Austurríki er leikskólakennaranám nám á framhaldsskólastigi og byrja nemendurnir fjórtán ára og útskrifast um tvítugt. Nemarnir hafa verið mjög ánægð með dvölina hér á landi og líkar vel við Akureyri. Þau segja góða reynslu að koma inn í skóla hér á landi þar sem þau þurfa að reiða sig á annað en talað tungumál til að eiga samskipti við börnin, en þar að auki hefðu börnin verið mjög fljót að kenna þeim að tala.

Í ályktuninni segir; “FSHA telur að með aðgerðinni sé verið að koma til móts við þann hóp stúdenta sem stendur einna verst í efnahagsþrengingunum. Með hækkun grunnframfærlsu LÍN um 20% er verið koma til móts við tekjaminnsta hóp námsmanna. Með aðgerðinni er stigið gríðarlega mikilvægt skref í að bæta stöðu námsmanna. Þó svo að hér sé um mikið framfaraskref þá telur FSHA óhóflega hækkun skerðingarhlutfalls áhyggjuefni gagnvart skuldugum námsmönnum sem eiga ekki annarra kosta völ en að vinna með námi. Sá hópur námsmanna gæti orðið fyrir talsverðri tekjuskerðingu vegna hækkunar skerðingarhlutfalls úr 10% í 35%.”

“Með aðgerðinni er vonast til þess að hægt sé „að hvetja atvinnulausa til mennta og draga þannig úr atvinnuleysi og styðja við efnahagslega framþróun byggða á aukinni færni og þekkingu“ eins og fram kemur í yfirlýsingu ráðuneytanna. Þeirri stefnu ber að fagna en sem stendur standa háskólarnir frammi fyrir miklum niðurskurði sem erfitt verður að mæta ásamt mikilli fjölgun námsmanna. Jafnframt ríkir óvissa um hvort háskólunum sé kleift að taka við nemendum um áramót og þá hversu mörgum. Því sé óvíst hvort aðgerð ríkisstjórnarinnar geti náð tilætluðum árangri gagnvart atvinnuleysi við núverandi niðurskurðaráform.
FSHA vill árétta það við þá námsmenn sem höfðu sótt um námslán fyrir breytingar að sækja um aftur til þess að fá nýja lánsáætlun skv. breyttum reglum. Taka ber þó fram að þeir námsmenn sem eru með miklar tekjur ættu vandlega að skoða hvort nýjar úthlutunarreglur koma sér vel fyrir þá fjárhagslega áður en sótt er um skv. nýju reglunum.”

Róbert F. Sigurðsson sögukennari við Menntaskólann á Akureyri var valinn til að skrifa þetta kennsluefni. Í verklýsingu fyrir samkeppnina í vor kom meðal annars fram að þekking ungs fólks á verkalýðshreyfingunni, sögu hennar og hlutverki, væri orðin lítil og nauðsynlegt að semja aðgengilegt efni til þess að fræða megi skólafólk um hreyfinguna, hvaða máli hún hefur skipt í lífi launafólks og hverju hún getur með samtakamætti fólksins fengið áorkað. Gert er ráð fyrir að þetta verði allt að 40 blaðsíðna bók, sem gefin verður út í 5000 eintökum og dreift meðal nemenda 9. og 10. bekkjar í öllum grunnskólum landsins. Bókinni munu fylgja kennaraleiðbeiningar og verkefni handa nemendum.