Í dag föstudaginn 17. maí mun Stefán B. Gunnlaugsson dósent við viðskiptadeild Háskólans á Akureyri halda erindi á málstofu í viðskiptafræði undir yfirskriftinni: „Snjóhengjan“ og afnám gjaldeyrishaftanna. Málstofan er milli kl. 12.10 – 12.55 í stofu R312 í Borgum við Norðurslóð og eru allir velkomnir. Nánar »

Í dag föstudaginn 3. maí mun Ásta Margrét Ásmundsdóttir efnafræðingur við Háskólann á Akureyri flytja erindi á málstofu auðlindadeildar undir yfirskriftinni: Röntgengeislar – Nítjándu aldar bylting í vísindum skapar ný tækifæri fyrir Háskólann á Akureyri. Málstofan er milli kl. 12:15 – 13:00 í stofu M102 á Sólborg og er öllum opin. Nánar »

Á félagsvísindatorgi, miðvikudaginn 17. apríl kl 12:00 í stofu M102 mun Grétar Þór Eyþórsson prófessor í stjórnmálafræði, fara yfir skoðanakannanir og fylgi stjórnmálaflokka frá áramótum og reyna að greina landslagið í íslenskri pólitík. Yfirskrift erindis hans er: Kannanafylgi stjórnmálaflokkanna. Hvað hefur gerst og hvert stefnir? Nánar »

Laugardaginn 13. apríl  verður haldin vorráðsstefna um um menntavísindi haldin á vegum miðstöðvar skólaþróunar við Háskólann á Akureyri.

Meginefni ráðstefnunnar snýr að samspili skóla og nærsamfélags. Aðalfyrirlesarar eru Dr. Gerður G. Óskarsdóttir, forstöðumaður Rannsóknarstofu um þróun skólastarfs, HÍ, Bragi Guðmundsson, prófessor og formaður kennaradeildar HA, Hjalti Jón Sveinsson, skólameistari Verkmenntaskólans á Akureyri og Hildur Jóhannesdóttir, skólastjóri Dalskóla í Reykjavík.  Nánar »

Í dag, Þriðjudaginn 9. apríl mun Pétur Dam Leifsson dósent og kennari í Evrópurétti halda erindi á lögfræðitorgi undir yfirskriftinni: Uppgjör við ICESAVE-málið. Torgið hefst kl. 12.00 í stofu M101 og er öllum opið.  Nánar »

Eyjólfur Guðmundsson, Ph.d., hagfræðingur hjá CCP flytur erindið: Skynsamleg hagstjórn og auðlindastefna:  Tillaga að rannsókn.

Það dylst fáum sem skoða málin dýpra en á forsíðum dagblaða að sá stormur sem íslenska hagkerfið hefur gengið í gegnum síðustu árin er afleiðing mistaka í hagstjórn og eftirliti fjármálakerfisins, jafnvel áratugi aftur í tímann.  En hvað fór úrskeiðis?  Hvað er skynsamleg hagstjórn?

Í erindinu mun Eyjólfur Guðmundsson, rannsóknaprófessor við Háskólann á Akureyri fjalla um þessar spurningar, hvernig þær fléttast inní spurninguna um skynsamlega auðlindanýtingu og benda á mögulegar leiðir sem unnt væri að fara til þess að svara þeim.

Í málstofa í stofu M101 í Sólborg mun Jón Sólmundsson, Sérfræðingur við Hafrannsóknastofnun fjalla um útbreiðslu og stofnstærðir botnfiska í hlýnandi sjó.

Í leiðöngrum Hafrannsóknastofnunar til stofnmælinga botnfiska (vor- og haustralli) er einstaklingsfjöldi allra fisktegunda skráður á hverri togstöð. Þessir leiðangrar veita því mikilvægar upplýsingar um gerð og þróun samfélagsgerða fiska á Íslandsmiðum. Í fyrirlestrinum verður fjallað um það hvernig tegundir flokkast saman og jafnframt um breytingar sem orðið hafa á stofnstærðum og útbreiðslu mismunandi hópa og tegunda á árunum 1985-2012.  Nánar »

Í hádeginu í dag frá klukkan 12:15-13:00 verður opin Málstofa auðlindardeildar við Háskólann á Akureyri í stofu L 102. Þar fjallar Oddur Vilhelmsson, prófessor í auðlindadeild HA um Furðugerla úr freranum forvitnilegar bakteríur úr köldum vistgerðum.  Nánar »

Á félagsvísindatorgi kl. 12:00 miðvikudaginn 13. mars mun rithöfundurinn dr. Lawrence Millman flytja erindi og lesa upp úr verkum sínum undir yfirskriftinni: On Northern Storytelling. Torgið er haldið á vegum félagsvísindadeildar og Stofnunar Vilhjálms Stefánssonar og fer fram á ensku í stofu M102 að Sólborg v/Norðurslóð. Allir velkomnir!

Dr. Lawrence Millman mun fjalla um sérkenni og mikilvægi frásagnarhefða frumbyggja á norðurlóðum, flytja og greina sagnir úr munnlegri geymd frá Grænlandi og norðaustur Kanada og lesa upp úr verkum sínum. Á meðal 15 bóka hans eru Drekkhlaðinn kajak af draugum: sagnir Inúíta, Wolverine Creates the World, Lost in the Arctic, Parliament of Ravens og Hiking to Siberia. Nánar »

Á félagsvísindatorgi kl. 12:00 þann 27. febrúar 2013 mun Sigríður Björnsdóttir halda erindi um Blátt áfram. Fyrirlesturinn verður haldinn í stofu M-102, allir velkomnir! Sigríður er annar sofnandi samtakanna og hefur starfað við samtökin síðan þau urðu sjálfstæð árið 2006. Fyrirlesturinn er ætlaður öllum sem vinna með börnum og unglingum, eru foreldrar eða bera ábyrgð á börnum og verður hann opin fyrir alla þá sem hafa áhuga á að mæta. Með erindinu er fyrst og fremst verið að leita eftir svörum við spurningum eins og: Hver eru merkin um ofbeldi? Hvert á að leita hjálpar? Af hverju börnin segja ekki frá? Hvernig og af hverju á að tala um þetta við börnin?

Í dag kl. 12 um Lassi Heininen vera með opinn fyrirlestur um norðurslóðamál undir yfirskriftinni: New Arctic Geopolitics – toward more global cooperation, or back to national approach? Fyrirlesturinn verður haldinn á ensku og hefst kl. 12:00 í stofu M102 að Sólborg v/Norðurslóð. Allir velkomnir. Nánar »

Í dag miðvikudaginn 13. febrúar verður Jafnréttistorg í Háskólanum á Akureyri og þar mun Anna Elísa Hreiðarsdóttir lektor við kennaradeild HA flytja erindi undir yfirskriftinni ,,Borgar sig að vera karlkyns eða er það bara plat?“. Jafnréttistorgið er haldið á vegum kennaradeildar og er í stofu N-101 milli klukkan 12 og 13. Nánar »

Í gær var Norðurslóðanet Íslands stofnað formlega með undirritun samnings milli utanríkisráðuneytisins og Norðurslóðanetsins í rannsóknarhúsi Háskólans á Akureyri Borgum. Af því tilefni efndu utanríkisráðuneytið og Háskólinn á Akureyri til móttöku á Borgum og fluttu utanríkisráðherra Össur Skarphéðinsson, Stefán Sigurðsson formaður stjórnar Norðurslóðanetsins og rektor Háskólans á Akureyri og Pétur Þór Jónasson framkvæmdastjóri Eyþings stutt ávörp. Við sama tilefni var Dr. Natalia Loukacheva boðin velkomin til starfa við Háskólanna á Akureyri sem fyrsti fræðimaðurinn sem gegnir Nansen prófessorsstöðu í norðurslóðafræðum við háskólann. Nánar »