Fyrsta stopp verður gert á Akureyri föstudaginn 27. janúar, en þá er spilað í galleríinu Populus Tremula, þar sem margar af ferskustu rokksveitum Íslands hafa verið að troða upp um nokkurn tíma.
Tónleikarnir hefjast klukkan 22:00 og aðgangseyrir er, eins og venja er hjá Populus Tremula, enginn.Laugardaginn 28. janúar færa böndin sig til Húsavíkur og spila á Gamla Bauk, en þá ásamt Akureyrarbandinu Myrká. Þar mun fyrsta hljómsveit stíga á svið klukkan 23:00 og miðaverð er 1500 kr.

Hellvar og Náttfari eru að fylgja eftir breiðskífum sínum, ,,Stop That Noise” og ,,Töf” sem komu út í haust, en þær hafa báðar endað á árslistum tónlistargagnrýnenda yfir bestu plötur ársins 2011.

Það er margt sem skilur þessar tvær hljómsveitir að, en einnig eiga þær ýmislegt sameiginlegt. Náttfari leikur sveimandi síðrokk en Hellvar nýbylgjuskotið rokk. Það sem dregur þær helst saman er hið fljótandi mjúka gítarspil og hin óvænta sturlun sem læðist aftan að
áheyrendum þegar síst skyldi.

Myrká er þekkt á Norðurlandi, en þau hafa verið mjög virk í rokksenu svæðisins um nokkur misseri. Myrká leikur, eins og nafnið gefur kannski til kynna, myrkt og  tíðum kirkjulegt rokk.

Öll böndin eru annáluð fyrir
frábæran lifandi flutning.

Hljómsveitin samanstendur af um það bil fimmtíu manna karlakór og rokkhljómsveit og síðast en ekki síst fallegasti Fjallabróðirinn og Akureyramærin, Unnur Birna (Bassa) Björnsdóttir á fiðlu og söng.
Karlakórinn er semsagt ekki kór í sinni einföldustu mynd, en þeir sem hafa gert sér væntingar um slíkt verða þó ekki fyrir vonbrigðum!Hljómsveit Fjallabræðra skipa þau Óskar Þormarsson og Orri Guðmundsson á trommur, Helgi Egilsson á bassa, kórstjóri og á gítar er Halldór Gunnar Pálsson og síðast en ekki síst fallegasti Fjallabróðirinn og Akureyramærin, Unnur Birna (Bassa) Björnsdóttir á fiðlu og söng.
Sérstakir gestir á tónleikunum í Hofi verða Sverrir Bergmann og Jónas Sig úr Ritvélum Framtíðarinnar.

Nánari upplýsingar í miðasölu Hofs

Brynja Harðardóttir er nýr framkvæmdarstjóri SN

Sinfóníuhljómsveit Norðurlands réð til sinn nýjan framkvæmdarstjóra á dögunum og tók hún Brynja Harðardóttir við stjórnartaumunum þann 1. ágúst s.l.  Sinfóníuhljómsveitin hefur nýtt starfsár með Óperutöfrum í Hofi um helgina á Akureyrarvöku en þar er einvala lið listamanna.

Nýr framkvæmdastjóri hjá Sinfóníuhljómsveit Norðurlands var ráðinn á dögunum og hefur nú formlega tekið við stjórnartaumunum. Brynja Harðardóttir hefur fjölbreyttan bakgrunn sem lýðheilsufræðingur, kennari og myndlistarkona og  hefur m.a. starfað sem markaðs- og kynningarstjóri fyrir Háskólann á Akureyri  Brynja er mikill hugsjóna- og félagsvísindamanneskja og lítur á tónlist og önnur listform sem  kjörið tækifæri til að efla vellíðan og ánægju fólks. „Tónlistin eflir alhliða þroska barna, gerir gráan dag rauðan, veitir sorgmæddum huggun og vekur ánægjutilfinningar sem öllum er hollt að rækta og leggur þannig lóð sitt á vogarskálar hamingju og heilbrigðis“ segir Brynja og bendir auk þess á að tónleikasókn gefi okkur kost á að deila upplifun okkar með öðrum og efla samkennd með fjölskyldu, vinum eða öðrum gestum.

Vetrardagskráin

Vetrardagskrá  Sinfóníuhljómsveitar Norðurlands verður bæði fjölbreytt og litrík í vetur. Dagskráin spannar klassískar óperuperlur, ævintýri hrífandi músar, kammertónleika og sinfóníutónleika þar sem úrval einleikara og einsöngvara fer á kostum. Ljúfir aðventutónar, kröftugir stórtónleikar, spennandi frumflutningur og djörf Evróvisjónstemming eru m.a. í boði þar sem  höfðað er til allra aldurshópa og fjölbreytilegs tónlistarsmekks.

Óperutöfrar á Akureyrarvöku

Starfsárið hefst í Hofi með Óperutöfrum á Akureyrarvöku 26. ágúst í Hofi. Þar sameina krafta sína undir stjórn Guðmundar Óla Gunnarssonar, Sinfóníuhljómsveit Norðurlands,  hluti af landsliði íslenskra einsöngvara þau Helga Rós Indriðadóttir, Sigríður Aðalsteinsdóttir, Gissur Páll Gissurarson og Ágúst Ólafsson og skagfirski Karlakórinn Heimir. Á efnisskránni eru klassískar perlur sem flestir þekkja, úr óperunum:
Carmen, La Bohéme, Rakarinn frá Sevilla, Tannhäuser og Tosca

Þorsteinn Marinó sá um skipulagningu hátíðarinnar en aðgangseyrir sem safnaðist verður nýttur til endurbóta á æfingaaðstöðu hljómsveita í Ungmenna-Húsinu. Húsið er upplýsinga- og menningarmiðstöð ungs fólks á Akureyri sem býður upp á ýmiskonar afþreyingu fyrir ungt fólk, auk þess sem ýmsir hópar nýta sér aðstöðuna sem í boði er. Að sögn stjórnenda Hússins er spennandi vetur framundan, þar sem reglulega verða haldnir tónleikar, stuttmynda- og ljósmyndanámskeið og videokvöld svo fátt eitt sé nefnt.

“Ungmenna-Húsið er opið alla daga nema sunnudaga frá 16-22 og eru áhugasamir einstaklingar og/eða hópar hvattir til þess að kynna sér aðstöðuna. Ungmenna-Húsið þakkar Þorsteini og öðrum þeim sem tóku þátt fyrir sig,” segir í tilkynningu frá Ungmenna-Húsinu.

Hvanndalsbræðrum hefur nú fækkað um einn. Myndin er af Myspace-síðu bræðranna.

Hljómsveitin Hvanndalsbræður sem hefur verið starfandi frá árinu 2002 gerir nú róttækar breytingar á rekstrinum og fækkar starfsmönnum um 20%. Mikil óregla hefur einkennt hljómsveitina nánast frá upphafi en þó hafa meðlimir einn af öðrum verið að frelsast til betri vegar sem þó hefur myndað gríðarlega spennu innan hljómsveitarinnar, þannig hefur Rögnvaldur Gáfaði ekki tekið í mál að minnka drykkju sína á tónleikum, æfingum eða stúdíóvinnu þrátt fyrir beiðni um annað.  Sprakk svo nánast samstarfið í loft upp þegar Valmar Hvanndal óskaði eftir því að hljómsveitin færi með stuttar bænir fyrir tónleika og mátti teljast mildi að hljómsveitin kláraði tónleika sína það kvöldið, en það ku hafa komið fyrir að hljómsveitin hafi ekki getað klárað alla sína tónleika vegna ýmissa uppákoma. Rögnvaldur Gáfaði hefur verið í hljómsveitinni frá upphafi  sem kassagítarleikari og aðallagahöfundur bandins en hann hefur nú ákveðið að yfirgefa hljómsveitina, finnst honum nóg um aumingjaskapinn í bandinum og líkir hljómsveitinni við litla skátadrengi með bein um hálsinn. Hann hefur þó í hyggju að starfa áfram sem sérlegur ráðgjafi og hirðskáld hljómsveitarinnar, svona svo hljómsveitin endi ekki í ömurlegu Boy Bandi eins og Rögnvaldur orðaði það.
Hljómsveitin mun sumsé starfa áfram og fór nýverið í hljóðver til að taka upp nokkur lög sem fá að hljóma á næstunni, þá mun bandið verða talsvert á ferðinni í hljómleikahaldi í sumar ásamt því að keppa í hinum magnaða popppunkti.

Hljómsveitin heldur kveðjutónleika fyrir Rögnvald Gáfaða á Græna Hattinum Akureyri 5. og 6. Júní n.k   og má reikna með að bandið tjaldi öllu til en hljómsveitin hefur verið geysi vinsæl í heimabæ sínum um árabil.

Eftirlifandi meðlimir Hvanndalsbræðra eru:
Valur Hvanndal – trommur/söngur
Sumarliði Hvanndal – bassi/söngur
Pétur Hvanndal – gítar/mandolín/söngur
Valmar Hvanndal – Fiðla/Harmonikka/Trampolín

Myndin er frá tónleikum kórastefnu síðasta árs, í hvelfingu Laxárvirkjunnar. Mynd/korastefna.is

Dagana 4. til 7. júní verður haldin í sjöunda sinn kórastefna við Mývatn. Það er Margrét Bóasdóttir sem er listrænn stjórnandi, en stefnan er í samvinnu við Sinfóníuhljómsveit Norðurlands. Boðið verður upp á þrenna tónleika, á Hallarflöt í Dimmuborgum, í félagsheimilinu Skjólbrekku og hátíðartónleika í íþróttahúsinu í Reykjahlíð, þar sem flutt verður aðalverkefni hátíðarinnar, Messa í As-dúr eftir Franz Schubert.

Í ár eru þáttakendur um 350 talsins, í tíu kórum og hljómsveit. Kórarnir koma víðsvegar að, en þeir sem lengst eru að komnir eru líklega meðlimir kammerskórs tónlistarháskólans í Bremen, en sá kór hefur unnið til verðlauna í Þýskalandi fyrir frammistöðu sína.

Það er enginn svikinn af því að eyða sumarhelgi við Mývatn. “Allir þeir sem einu sinni hafa verið þarna, þeir vilja koma aftur” segir Margrét Bóasdóttir. Hún segir hátíðin vaxa og dafna með árunum, og furðar sig á því að enn sé þetta eina kórastefna landsins. “Þetta er eini vettvangurinn þar sem kórar geta komið saman, hlustað á hvern annan og tekið þátt í einu glæsilegu verkefni sem kórarnir einir hefðu kannski ekki haft burði til að framkvæma.”

Fyrstu tónleikarnir verða haldnir fimmtudagskvöldið 4. júní klukkan 20.30 í félagsheimilinu Skjólbrekku, og kostar 1500 kr. inn á þá. Aðrir tónleikarnir verða í Dimmuborgum á föstudagskvöldi á sama tíma, og er þá aðgangur ókeypis. Hátíðartónleikarnir á sunnudaginn verða svo í íþróttahúsinu í Reykjahlíð klukkan 15.00, og er aðgangseyrir á þá 3500 krónur. Nánari upplýsingar má fá á vefsíðu kórastefnunnar, korastefna.is.

Tónleikar sveitarinnar verða á Græna hattinum á laugardagskvöld

Nú um helgina heldur Stórsveit Akureyrar jómfrúartónleika sína á Græna Hattinum. Verða þetta einu tónleikar Stórsveitarinnar þetta sumar því sumarleyfi eru að hefjast og meðlimir sveitarinnar munu tvístrast um allar jarðir. Stórsveit Akureyrar var stofnuð nú á vormánuðum af tónlistarmönnum á Akureyri, Hjörleifi Jónssyni skólastjóra og Baldvini Esra hjá Kimi Records. Stjórnandi og aðalsprauta sveitarinnar er hinn stórkostlegi Alberto Carmona, stórsveitarundrabarn og saxófónleikari. Alberto flutti til Akureyrar síðasta haust til að kenna við tónlistarskólann og vildi ólmur nýta sér langa reynslu sína af svórsveitarstússi. Því var ekkert annað í stöðunni en að drífa það af að stofna bandið að áeggjan Hjörleifs Arnar Jónssonar, skólastjóra TÓNAK, og Baldvin Esra, framkvæmdastjóra Kima. Í haust verður aftur hafist handa við tónleikahald og eru áætlanir uppi um reglulega stórsveitarviðburði, Akureyringum og nágrönnum og gestum bæjarfélagsins, vonandi til mikillar ánægju og yndisauka. Tónleikarnir verða á laugardaginn og hefjast stundvíslega klukkan 21.

Söngleikurinn Hárið hefur lengi notið vinsælda

Söngdeild og rokkband Tónræktarinnar setja í dag upp lögin úr Hárinu í Sjallanum, en ásamt þeim koma Magni Ásgeirsson og Unnur Birna Björnsdóttir fram í nokkrum lögum. Þá stíga dansarar frá Point dansstúdíó á sviðið og gera sýninguna enn glæsilegri. Tvær sýningar verða á lögunum í dag, sú fyrri hefst klukkan 16:00 en hin síðari er klukkan 19:00. Miðaverð er 2000 krónur við innganginn en frítt er inn fyrir 12 ára og yngri.

Akureyringurinn Erna Hrönn á blaðamannafundi með Íslenska hópnum.

Íslenski hópurinn í Eurovision æfði á stóra sviðinu í Moskvu í morgun og gekk æfingin vel. Einn Akureyringur er í hópnum, en það er bakraddasöngkonan Erna Hrönn Ólafsdóttir.

Erna er fædd á Akureyri árið 1981 og sigraði meðal annars söngkeppni Menntaskólans á Akureyri fyrir nokkrum árum. Hún hefur verið áberandi í tónlistarlífinu hérlendis undanfarin ár og var um tíma söngkona hljómsveitarinnar Bermuda.

Hægt er að sjá myndband frá fyrstu æfingunni hér.