Akureyringurinn Elí Freysson kemur nú fram með sínu fyrstu skáldsögu, Meistari hinna blindu. Þetta er fyrsta bókin af mörgum um þá Mikael og félaga og er hann nú þegar klár með tvö handrit klár í viðbót og byrjaður á því fjórða. Elí er aðeins 29 ára og hefur það lengi blundað í honum að gerast rithöfundur. Meistari hinna blindu er 428 blaðsíðna fantasíubók sem hefur verið að fá frábæra dóma.
Árni Matthíasson gagnrýndi bókina í Morgunblaðinu síðustu helgi þar sem hann gefur henni þrjár og hálfa stjörnu og segir “Þetta er ævintýrasaga eins og þær gerast bestar í útlandinu, ill öfl, myrkir galdrar og endalausir bardagar.” Nánar »
Karl Guðmundsson sem verður 25 ára gamall síðar í mánuðinu og er mikið hreyfihamlaður opnaði síðast liðin laugardag jólamarkað í Listagilinu. Þar er Karl með ýmsa listmuni til sýnis og sölu sem hann hefur unnið í nánu samstarfi við Rósu Júlíusdóttur. 
Fimmtudaginn 8. desember mun Kvennakór Akureyrar halda sína árlegu aðventutónleika til styrktar Mæðrastyrksnefnd Akureyrar. Tónleikarnir fara fram í Hamraborg í Hofi Menningarhúsi og hefjast kl. 20:00. Með kórnum koma fram Guðrún Gunnarsdóttir og Ívar Helgason. Allir flytendurnir gefa vinnu sína og ágóðinn rennur óskiptur til Mæðrastyrksnefndar Akureyrar. 
Jólaannir í Gamla bænum Laufási 4. desember 13:30-16:00
Á aðventu 2011 er jólakortasýning í anddyri Glerárkirkju. Þar eru til sýnis kort úr tveimur einkasöfnum, annars vegar úr safni Gerðar Pálsdóttur, húsmæðrakennara, sem í dag er búsett á Hrafnagili og hins vegar úr safni Björns Guðmundssonar (1919-2011). Einnig hafa verið sett upp nokkur veggspjöld með fróðleiksmolum um sögu jólakorta og póstsendinga. Sýningin stendur yfir til og með 8. janúar og er opin almenningi fyrir og eftir auglýstar helgiathafnir í kirkjunni. Hópar geta einnig pantað leiðsögn um sýninguna í síma 464 8800. Nánar á vef Glerárkirkju 
Point d’ébullition – Suðupunktur! Opnun sýningar útskriftarnema listnámsbrautar Verkmenntaskólans á Akureyri verður í Ketilhúsinu föstudagskvöldið 25. nóvember n.k. frá kl 20 – 22
Það verður notaleg kvöldstund á Kammertónleikum í Hömrum15. nóvember kl. 20 þar sem hljóðfæraleikararnir Dagbjört Ingólfsdóttur (fagott), Gillian Haworth (óbó) og Páll Barna Szabó (píanó) koma fram.
Menningarhúsið Hof efnir til barnamenningarhátíðar sunnudaginn 13. nóvember næstkomandi.
Um áramótin verða þáttaskil í sögu Listagilsins á Akureyri þegar ný menningarmiðstöð á sviði sjónlista tekur til starfa. Ákveðið hefur verið að sameina Listasafnið á Akureyri og Menningarmiðstöðina í Grófargili, sem m.a. hefur haft umsjón með Ketilhúsi og Deiglunni, í eina stofnun sem fengið hefur nafnið Sjónlistamiðstöðin. Framvegis verður vísað til Listasafnsins eða Ketilhúss í Sjónlistamiðstöðinni eftir því hvar viðburðirnir eiga sér stað og mun miðstöðin heyra undir Akureyrarbæ. Af þessu tilefni verður litið yfir farinn veg hjá Listasafninu á viðburðaríkum áratug 21. aldar til að draga upp heildstæða mynd af starfseminni á umræddu tímabili. 
Hljómsveitin Dúndurfréttir heldur tónleika í Hofi, Akureyri föstudaginn 4. nóvember og með þeim í för verður enginn annar en rokksöngvarinn Eiríkur Hauksson.
Loading ...
