Ljósmyndir: Daníel Starrason

Amtsbókasafnið á Akureyri Mynd: PJ

Laugardaginn 4. febrúar nk. verður stofnað Barnabókasetur – rannsóknasetur um barnabókmenntir og lestur barna við Háskólann á Akureyri. Stofnfundurinn fer fram á Amtsbókasafninu á Akureyri kl. 12:00. Að setrinu standa auk háskólans Amtsbókasafnið og Minjasafnið á Akureyri. Þá eiga  Rithöfundasamband Íslands, Samtök barna- og unglingabókahöfunda, IBBY, Félag fagfólks á skólasöfnum og fleiri aðild að setrinu. Viljayfirlýsing um stofnun Barnabókasetursins var undirrituð í HA á degi íslenskrar tungu sl. Þörfin fyrir setur sem einblínir á bóklestur og lestrarmenningu barna hefur þó lengi verið ljós. Ótal rannsóknir hafa sýnt minnkandi áhuga íslenskra barna og unglinga á bóklestri undanfarin ár og áratugi. Má til dæmis nefna langtímarannsókn Þorbjörns Broddasonar frá 1968-, evrópsku ESPAD rannsóknina, fjölþjóðlegu PISA rannsóknina og Ungt fólk á Íslandi. Áhugi barna á lestri hefur víðar dregist saman en hérlendis en íslensk börn eru hins vegar undir meðaltali og standa sig í kjölfarið verr í lesskilningi en börn í þeim löndum sem við oftast berum okkur saman við. Stofnendur setursins telja mikilvægt að stunda rannsóknir á þessu sviði. Þeir telja líka tímabært að nýta þær rannsóknir sem gerðar hafa verið til að fræða fólk og snúa vörn í sókn.

Markmið Barnabóksetursins eru því eftirfarandi:

a) Að stunda rannsóknir og fræðslu um barnabókmenntir og lestur á Íslandi.
b) Að hvetja til og skapa aðstöðu til rannsókna á barnabókmenntum.
c) Að miðla þekkingu og upplýsingum um barnabókmenntir á Íslandi og stuðla að sýnileika þeirra í samfélaginu.
d) Að vinna að framgangi lestrarmenningar meðal barna og ungmenna á Íslandi.
e) Að efla og treysta innlend og erlend tengsl og taka þátt í alþjóðlegri þekkingarsköpun á fræðasviðinu.
f) Að standa fyrir málþingum og stuðla að útgáfu fræðilegs efnis á sviðinu.

Stofnfundur barnabókasetursins verður á Amtsbókasafninu laugardaginn 4. febrúar kl. 12.00. Á sama tíma opnar Katrín Jakobsdóttir mennta- og menningarmálaráðherra sýninguna „Yndislestur æsku minnar“ – fyrsta verkefni setursins. Þar sýnir þekkt fólk eftirlætisbarnabókina sína og lýsir því hvers vegna hún er minnisstæð. Dagskráin er fjölskylduvæn og samanstendur af stuttum ávörpum um bernskulestur og upplestri barna og rithöfunda. Allir velkomnir.

Sérstakt forsölutilboð 1.-3. febrúar:
20% afsláttur af almennu miðaverði (bókanlegt á vefnum og í síma 450 1000).•    Áhorfendasýning ársins flutt á Akureyri
•    Aðsóknarmesta sýning landsins verður sýnd í Menningarhúsinu Hofi eftir yfir 70 uppseldar sýningar í Borgarleikhúsinu
•    Drepfyndinn farsi í leikstjórn Magnúsar Geirs Þórðarsonar. Í aðalhlutverkum eru Guðjón Davíð Karlsson, Sigurður Sigurjónsson og Hilmar Guðjónsson
Tveggja tíma hláturskast … með hléi

Ýmsum óþrifnaði hefur ráðherrann ungi sópað undir teppi, atvinnulygarinn sjálfur, en þó aldrei dauðum manni og það á hótelherbergi með viðhaldinu sem er innsti koppur í búri stjórnarandstöðunnar. Það stóð ýmislegt til í þessu hótelherbergi en ekki þetta! Hvað gera ráðherrar nú?

Þeir hringja auðvitað í strangheiðarlegan og vammlausan aðstoðarmann sinn sem lendir í skítverkunum eins og venjulega. Það þarf að sjá um viðhaldið, fela verksummerki, losna við líkið, bera fé í útsmoginn þjón og síðast en ekki síst að halda öllu leyndu fyrir afbrýðisömum eiginmönnum og -konum.

Þessi drepfyndni gamanleikur kemur úr smiðju Ray Cooney konungs gamanleikjanna. Hann er Íslendingum að góðu kunnur en gamanleikirnir Með vífið í lúk¬unum, Tveir tvöfaldir og Viltu finna millj¬ón? hafa allir notið vinsælda hér á landi.
Nei, ráðherra (Out of Order) hlaut hin eftirsóttu Olivier-verðlaun sem besti gamanleikurinn í Bretlandi þegar verkið var frumsýnt. Verkið hefur slegið í gegn víða um heim en fer nú í fyrsta skipti á íslenskar leikhúsfjalir og verður flutt í íslenskri heimfærslu Gísla Rúnars Jónssonar en hann hefur matreitt og kryddað marga af bestu gamanleikjum seinni ára hérlendis, m.a. Fló á skinni og Sex í sveit.

Leiksýningin verður sýnd á Akureyri í samstarfi Menningarhússins Hofs, Borgarleikhússins og Leikfélags Akureyrar.
Nánari upplýsingar í miðasölu Hofs s. 450 1000

Hann efndi til fyrstu sýningar sinnar á Akureyri 1954 en sýndi fyrst í Reykjavík , Bogasal Þjóðminjasafnsins, 1962 og sama ár tók hann fyrsta sinni þátt í Haustsýningu Fím (Félagi íslenskra myndlistarmanna) í Listamannaskálanum. Hann hefur síðan verið virkur á sýningarvettvangi .

Af einkasýningum má nefna sýningu í Háhól Akureyri  1980, Kjarvalsstaðir 1988 , Fím Reykjavík 1989,1990 og 1991,  Listasafnið Akureyri 2001, Hús málaranna , Rvík, 2002 og 2003.

Kristinn  hefur tekið þátt í fjölda samsýninga t.d. hjá  Fím 1962, 1985, 1987, Norðan 7, Kjarvalsstöðum, 1982,  Exsept 84 ,Listasafni ASÍ , Samstaða Listaskálanum Hveragerði 1999,  Akureyri í myndlist, Listasafninu Akureyri 2001 og Vorsýning í Húsi málaranna , Rvík 2002. Síðast sýndi hann
með Guðmundi  Ármann grafíkverk hjá “Íslenskri grafík” og í Hofi á sl.ári og nú á dögunum héldu þeir sýningu í boði Listasalar Mosfellsbæjar.

Kristinn hefur gert teikningar og vatnslitamyndir í fjölda bóka og má nefna nýjar útgáfur af bókum Nonna , Jóns Sveinssonar, auk mynda í þjóðsögur s.s. Búkollu og Gilitrutt.

Málverkasýning Kristins G. Jóhannsonar stendur til 19.febrúar og eru allir velkomnir.

Mjólkurbúðin er opin laugardaga og sunnudaga milli kl.14-17 og eftir
frekara samkomulagi.

Já það þarf engan sérfræðing til þess að telja fólki trú um að sýningin sé hin besta skemmtun og miðaverðið sé hverra krónu virði. Það sást og heyrðist best á frumsýningargestum á öllum aldri. Þeir kunnu svo sannarlega að meta það sem í boði var. Þetta er svo sannarlega sýning sem höfðar til allra aldurshópa, fjölskylduskemmtun af bestu gerð.

Nokkrar myndir frá frumsýningarkvöldinu

Lífið á sveitakránni tekur heldur betur stakkaskiptum þegar gamall sjóræningi gefur þar upp öndina og skilur eftir sig fjársjóðskort. Jim, sonur kráareigans, veit ekki fyrr til en hann er kominn langt suður í höf með skuggalegri áhöfn á seglskipinu Hispanjólu. Skipskokkurinn Langi-Jón Silvur er ekki allur þar sem hann er séður og leitin að fjársjóðnum verður fjörugri og hættulegri en nokkurn gat grunað. Þetta er ævintýraleg sýning fyrir alla fjölskylduna, full af galdri, gulli, græðgi, bardögum, blekkingum, talandi páfagaukum, kostulegum persónum og eldfjörugri tónlist eftir Þorvald Bjarna Þorvaldsson. Sýningin er sett upp af Leikfélagi Akureyrar í samstarfi við Borgarleikhúsið.

Gulleyjan eftir Robert Louis Stevenson er fyrsta sjóræningjasagan og sú frægasta og sagan sem öll sjóræningjaævintýri á bókum, í leikritum og kvikmyndum byggja á.
Sigurður Sigurjónsson snýr nú aftur til Akureyrar en síðasta sýningin sem hann vann hjá LA var ÓVITAR sem sló rækilega í gegn og kætti leikhúsgesti á öllum aldri.

Glæsilegur hópur listrænna stjórnenda vinnur að sýningunni: Leikstjórinn Sigurður Sigurjónsson, Snorri Freyr Hilmarsson sem hannar leikmynd, Agnieszka Baranowska og Júlíanna Lára Steingrímsdóttir hanna búningana, Björn Bergsteinn Guðmundsson hannar lýsingu  og Þorvaldur Bjarni Þorvaldsson hefur hér enn sannað snilld sína með frábærri tónlist.

Sagan. Ýmsum óþrifnaði hefur ráðherrann ungi sópað undir teppi, atvinnulygarinn sjálfur, en þó aldrei dauðum manni – og það á hótelherbergi – með viðhaldinu – sem er innsti koppur í búri stjórnarandstöðunnar. Það stóð ýmislegt til í þessu hótelherbergi en ekki þetta! Hvað gera ráðherrar nú? Þeir hringja auðvitað í strangheiðarlegan og vammlausan aðstoðarmann sinn sem lendir í skítverkunum eins og venjulega. Það þarf að sjá um viðhaldið, fela verksummerki, losna við líkið, bera fé í útsmoginn þjón og síðast en ekki síst að halda öllu leyndu fyrir afbrýðisömum eiginmönnum og -konum.

Uppfærslan. Þessi drepfyndni gamanleikur kemur úr smiðju Ray Cooney konungs gamanleikjanna. Hann er Íslendingum að góðu kunnur en gamanleikirnir Með vífið í lúkunum, Tveir tvöfaldir og Viltu finna milljón? hafa allir notið vinsælda hér á landi. Nei, ráðherra (Out of Order) hlaut hin eftirsóttu Olivier-verðlaun sem besti gaman leikurinn í Bretlandi þegar verkið var frumsýnt. Verkið hefur slegið í gegn víða um heim en fer nú í fyrsta skipti á íslenskar leikhúsfjalir og er flutt í íslenskri heimfærslu Gísla Rúnars Jónssonar en hann hefur matreitt og kryddað marga af bestu gamanleikjum seinni ára hérlendis, m.a. Fló á skinni og Sex í sveit.

Sýningarnar á Akureyri: Sýningar á Nei ráðherra í Menningarhúsinu Hofi Akureyri verða: lau 3. mars kl. 19, lau 10. mars kl. 19 og lau 17.mars kl. 19. Leiksýningin verður sýnd á Akureyri í samstarfi Menningarhússins Hofs, Borgarleikhússins og Leikfélags Akureyrar. Um þessar mundir kemur Borgarleikhúsið einnig að Gulleyjunni ásamt Leikfélagi Akureyrar. Sýningar á Gulleyjunni eru í Samkomuhúsinu á Akureyri í janúar, febrúar og mars. Sérstakt forsölutilboð á sýninguna verður dagana 1.-3. febrúar, nánari upplýsingar á www.menningarhus.is.

Aðstandendur Höfundur: Ray Cooney | Leikstjórn: Magnús Geir Þórðarson | Íslensk heimfærsla: Gísli Rúnar Jónsson | Leikmynd: Snorri Freyr Hilmarsson | Lýsing: Björn Bergsteinn Guðmundsson | Tónlist: Baggalútur | Leikarar: Guðjón Davíð Karlsson, Lára Jóhanna Jónsdóttir, Sigurður Sigurjónsson, Hilmar Guðjónsson, Bergur Þór Ingólfsson, Unnur Ösp Stefánsdóttir, Rúnar Freyr Gíslason, Elma Lísa Gunnarsdóttir, Jóhanna Vigdís Arnardóttir, Þröstur Leó Gunnarsson

Allar nánari upplýsingar veitir: Heiðrún Grétarsdóttir markaðsfulltrúi Menningarhússins Hofs, heidrun@menningarhus.is, s: 8695292 og Hildur Harðardóttir markaðsstjóri Borgarleikhússins, hildur@borgarleikhus.is, s: 8978809.

Fyrsta stopp verður gert á Akureyri föstudaginn 27. janúar, en þá er spilað í galleríinu Populus Tremula, þar sem margar af ferskustu rokksveitum Íslands hafa verið að troða upp um nokkurn tíma.
Tónleikarnir hefjast klukkan 22:00 og aðgangseyrir er, eins og venja er hjá Populus Tremula, enginn.Laugardaginn 28. janúar færa böndin sig til Húsavíkur og spila á Gamla Bauk, en þá ásamt Akureyrarbandinu Myrká. Þar mun fyrsta hljómsveit stíga á svið klukkan 23:00 og miðaverð er 1500 kr.

Hellvar og Náttfari eru að fylgja eftir breiðskífum sínum, ,,Stop That Noise” og ,,Töf” sem komu út í haust, en þær hafa báðar endað á árslistum tónlistargagnrýnenda yfir bestu plötur ársins 2011.

Það er margt sem skilur þessar tvær hljómsveitir að, en einnig eiga þær ýmislegt sameiginlegt. Náttfari leikur sveimandi síðrokk en Hellvar nýbylgjuskotið rokk. Það sem dregur þær helst saman er hið fljótandi mjúka gítarspil og hin óvænta sturlun sem læðist aftan að
áheyrendum þegar síst skyldi.

Myrká er þekkt á Norðurlandi, en þau hafa verið mjög virk í rokksenu svæðisins um nokkur misseri. Myrká leikur, eins og nafnið gefur kannski til kynna, myrkt og  tíðum kirkjulegt rokk.

Öll böndin eru annáluð fyrir
frábæran lifandi flutning.

Hljómsveitin samanstendur af um það bil fimmtíu manna karlakór og rokkhljómsveit og síðast en ekki síst fallegasti Fjallabróðirinn og Akureyramærin, Unnur Birna (Bassa) Björnsdóttir á fiðlu og söng.
Karlakórinn er semsagt ekki kór í sinni einföldustu mynd, en þeir sem hafa gert sér væntingar um slíkt verða þó ekki fyrir vonbrigðum!Hljómsveit Fjallabræðra skipa þau Óskar Þormarsson og Orri Guðmundsson á trommur, Helgi Egilsson á bassa, kórstjóri og á gítar er Halldór Gunnar Pálsson og síðast en ekki síst fallegasti Fjallabróðirinn og Akureyramærin, Unnur Birna (Bassa) Björnsdóttir á fiðlu og söng.
Sérstakir gestir á tónleikunum í Hofi verða Sverrir Bergmann og Jónas Sig úr Ritvélum Framtíðarinnar.

Nánari upplýsingar í miðasölu Hofs

Höfundur bókarinnar, Dilla, hefur 20 ára reynslu af ungbarnanuddi og setur sitt persónulega mark á leiðbeiningarnar sem allar eru sýndar á skýran og einfaldan hátt með fallegum litmyndum Heiðu ljósmyndara (www.heida.is).
Sá kærleikur sem þú lærir að miðla í gegnum hendurnar með ungbarnanuddi er kær leikur sem setur mark sitt á barnið þitt til lífstíðar. Því vilja höfundar bókarinnar fyrst og fremst miðla til þín. Eigðu kærleiksríkar nuddstundir með barninu þínu. Falleg gjöf handa öllum foreldrum.

Útgefandi Ungbarnanudds er: Tindur.  Bókin fæst í öllum betri bókaverslunum.

Það myndaðist löng röð eftir miðum.

Klukkan 13 í dagvoru gefnir miðar á tónleika Mugison sem verða á Græna hattinum næsta föstudagskvöld.  Það verða haldnir tvennir tónleikar, kl. 20 og 23.  Mikil eftirspurn var eftir miðum og þegar Haukur opnaði þá voru um 100 manns í röðinni.

Mugison með tónleika á Akureyri 16. desember

Eins og flestir vita þá bauð Mugison Íslendingum á tónleika í Hörpu þann 22. desember.  Þeir tónleikar fylltust á mettíma og hefur hann því ákveðið að fara víðsvegar um landið og bjóða landsmönnum á tónleika.  Hann mun halda tónleika á Akureyri föstudaginn 16. desember kl. 20 og 23.   Hægt verður að nálgast miða á Græna hattinum mánudaginn 12. desember kl. 13.

Árni Matthíasson gagnrýndi bókina í Morgunblaðinu síðustu helgi þar sem hann gefur henni þrjár og hálfa stjörnu og segir “Þetta er ævintýrasaga eins og þær gerast bestar í útlandinu, ill öfl, myrkir galdrar og endalausir bardagar.”   

Í lýsingu bókarinnar kemur fram:

„Sundrungin rústaði Gamla heiminum. Logar féllu af himnum ofan á glæstar borgir á meðan forynjur gengu um götur þeirra. Lönd færðust úr stað, hinir dauðu risu af dvala og öll ill öfl veraldar komu úr felum. Mannkynið var rekið á flótta og gert að stefnulausri hjörð sem Dauðaherrarnir veiddu að vild.“

Í sundraðri veröld þar sem mannkynið er umsetið ókennilegum öflum vaknar Mikael í mannlausu þorpi, minnislaus, særður og eini eftirlifandi fólskulegrar árásar. Mikael heldur af stað í leit að ódæðismönnunum og svörum um eigin fortíð. Í ferðalagi um grimman en heillandi heim uppgötvar hann ýmislegt um sjálfan sig og kynnist bæði bandamönnum og óvinum.

Skrímsli leynast jafnt í eyðilendum Jaðarsins sem skúmaskotum stórborga. Áður en Mikael veit af er hann orðinn hluti af baráttu þar sem ævafornar verur úr myrkraheimum herja á sálir manna og það sem eftir stendur af brothættri siðmenningu.

Hvaða hlutverk er Mikael ætlað í hinum miklu hörmungum sem í hönd fara í Jaðrinum?

Hverjar eru fyrirætlanir leynifélagsins sem virðist vita allt um hin dularfullu átök?

Og hvað merkir óútskýranlega táknið á líkama Mikaels?

Bókin fæst víða eða í öllum helstu bókabúðum og einnig hefur Nettó verið með hana í sölu.

Markaðurinn verður opin fram til jóla,  miðviku, fimmtu og föstudaga milli kl. 16 og 18 og um helgar milli kl. 14 og18.

Frá haustinu 2003 hefur Kvennakór Akureyrar í samvinnu við aðra kóra og tónlistarmenn haldið aðventutónleika til styrktar Mæðrastyrksnefnd Akureyrar. Þar leggja allir sitt af mörkum og gefa vinnu sína til að styrkja gott málefni og rennur ágóðinn óskiptur til Mæðrastyrksnefndar. Í ár verða haldnir veglegir tónleikar í Hamraborginni í Hofi. Þá fær kórinn til liðs við sig góða gesti, þau Guðrúnu Gunnarsdóttur söngkonu og Ívar Helgason, söngvara og leikara. Auk þess spila þeir Aladár Rácz á píanó, Pétur Ingólfsson á kontrabassa og Emil Þorri Emilsson á slagverk. Kórnum stjórnar að venju Daníel Þorsteinsson.

Efnisskráin er fjölbreytt að venju, hugljúf, falleg og jólaleg. Kórinn mun m.a. syngja lag Daníels Þorsteinssonar við texta Önnu Dóru Gunnarsdóttur kórfélaga sem sérstaklega var samið í tilefni af 10 ára afmæli kórsins og heitir Árstíðirnar.

Hjálpið okkur til að hjálpa þeim að hjálpa öðrum á vel við. Mæðrastyrksnefnd Akureyrar styður vel við bakið á þeim fjölskyldum og einstaklingum sem eiga um sárt að binda og geta ekki haldið sín jól án stuðnings okkar hinna. Því er nauðsynlegt að allir taki höndum saman og styðji vel við bakið á þeim. Við viljum hvetja fólk til að mæta og hlýða á fallega tóna í flottu og yndislegu umhverfi og styrkja um leið gott málefni.

Tónleikarnir eru haldnir í Hamraborg, Hofi þann 8. desember nk. og hefjast kl. 20:00. Miðaverð er 3000 krónur, frítt fyrir 14 ára og yngri.

Nánari upplýsingar og miðasala er í Hofi og á www.menningarhus.is

Það er hangikjötsilmur í loftinu, snarkar í hlóðum og laufabrauðsútskurður í baðstofunni. Einhverjir skringilegir karlar eru á ferli í bæjargöngunum og fólk við jólaundirbúning um allan bæinn. Hvað er á seiði? Jólaandi liðins tíma verður á sveimi í Gamla bænum í Laufási við Eyjafjörð.

Aðventudagur í Laufási er orðinn fastur liður í jólaundirbúningi margra, en hann verður haldinn n.k. sunnudag 4. desember kl 13:30 og 16. Þá gefst tækifæri til að fylgjast með undirbúningi jólanna eins og hann var í gamla sveitasamfélaginu. Í augum lágvaxinna gesta verður hápunktur dagsins eflaust heimsókn árstíðabundinna gesta en ef að líkum lætur munu jólasveinar úr Dimmuborgum koma í heimsókn. Einnig verður hægt að kitla bragðlaukana og hlýða á jólastemmur og ljúfa harmonikku tóna í bland við fiðluleik.

Jólaundirbúningurinn hefst með jólastund í Laufáskirkju kl 13:30 í umsjón sr. Bolla Péturs Bollasonar. Yngri barnakór Akureyrarkirkju kemur í heimsókn og syngur jólalög. Eva Margét og Þóra Björk leika ljúfa tóna á harmonikku og fiðlu.

Í Gamla bænum mun eldur loga á hlóðum og krauma í feitinni á meðan laufabrauðið er skorið og steikt. Ilmur af nýreyktu hangikjöti læðist um híbýlin og hægt verður að smakka á þeim og öðrum kræsingum s.s jólagraut og bringukollum. Unnið verður að tólgarkertagerð, tálgað úr tré, spunnið úr ull ásamt öðru. Þá geta börn á öllum aldri föndrað jólaskraut eins og tíðkaðist áður fyrr. Gripið verður í spil og púkkið rifjað upp með öðrum

Kvæðasöngur með jólalegum blæ eins og kvæðamannafélagi Gefjunar er einu lagið mun fylla hvern krók og krima í Gamla bænum um leið og yndislegur ilmur hins rómaða kúmenkaffis leikur um vit gesta. . Í Gamla prestshúsinu verður jólamarkaður úr héraði en þar kennir ýmissa grasa.

Ilmur jólanna og iðandi mannlíf lokkar án efa jólasveina alla leið frá Dimmuborgum í Gamla bæinn og þá verður nú kátt í Gamla bænum Laufási!

Í Gamla prestshúsinu verður handverk úr héraði til sölu ásamt ilmandi smákökum, kakói og kaffi undir jólalegum harmonikkuleik Evu Margrétar Árnadóttur.

Það er Laufáshópur Handraðans, Kvæðamannafélagið Gefjun  ásamt fjölda annarra velunnara Laufáss sem gerir það mögulegt að hægt er að upplifa jólaundirbúning gamla sveitasamfélagsins á þennan hátt.

Aðgangseyrir er kr. 700- fyrir fullorðna en ókeypis er fyrir börnin. KEA-kortið veitir 50% afslátt.