Hið árlega bréfamaraþon Amnesty International fer fram á morgun 10. desember víðsvegar um heiminn í tilefni af alþjóðalegum mannréttindadegi hjá Sameinuðu þjóðunum.  Á Akureyri verður bréfamaraþonið haldið á Amtsbókasafninu frá 11 – 16.  Tilvalið að nýta nafn sitt og skrifa bréf til stjórnvalda sem brjóta á mannréttindum og/eða skrifa bréf til þolenda mannréttindabrota.  Boðið verður upp á kaffi, kakó og kökur á meðan maraþoninu stendur.

Fimmtudaginn 8. desember mun Kvennakór Akureyrar halda sína árlegu aðventutónleika til styrktar Mæðrastyrksnefnd Akureyrar. Tónleikarnir fara fram í Hamraborg í Hofi Menningarhúsi og hefjast kl. 20:00. Með kórnum koma fram Guðrún Gunnarsdóttir og Ívar Helgason. Allir flytendurnir gefa vinnu sína og ágóðinn rennur óskiptur til Mæðrastyrksnefndar Akureyrar. Nánar »

Jólaannir í Gamla bænum Laufási 4. desember 13:30-16:00

Það er hangikjötsilmur í loftinu, snarkar í hlóðum og laufabrauðsútskurður í baðstofunni. Einhverjir skringilegir karlar eru á ferli í bæjargöngunum og fólk við jólaundirbúning um allan bæinn. Hvað er á seiði? Jólaandi liðins tíma verður á sveimi í Gamla bænum í Laufási við Eyjafjörð. Nánar »

Það verður notaleg kvöldstund á Kammertónleikum í Hömrum15. nóvember kl. 20 þar sem hljóðfæraleikararnir Dagbjört Ingólfsdóttur (fagott), Gillian Haworth (óbó) og Páll Barna Szabó (píanó) koma fram.

Á efnisskránni eru tríó fyrir óbó, fagott og píanó eftir Michael Head (1900-1976), Jean Françaix (1912-1997), Pál Barna Szabó (1970), Ingólf Magnússon (1980), Francis Poulenc (1899-1963) og Ayser Vançin (1948). Nánar »

Jólamarkaður verður í Bónushúsinu við Kjarnagötu næstu helgar fram að jólum.  Þar á boðstólum verða handverk og fleira.

Opnunartími markaðarins verður þannig:

• Nánar »

Menningarhúsið Hof efnir til barnamenningarhátíðar sunnudaginn 13. nóvember næstkomandi.

Tilgangur hátíðarinnar er að efla samstarf milli aðila sem koma að menningu barna á Norðurlandi, njóta menningar með börnum og láta um leið gott af sér leiða. Að þessu sinni rennur allur ágóði hátíðarinnar til Barnadeildar FSA.

Heimir Ingimarsson og Hjalti Jónsson ætla að hita upp fyrir hátíðina í Hömrum, minni sal Hofs, kl. 12-13 og stjórna söng og leikjum fyrir börn á leikskólaaldri. Skotta úr Stundinni okkar kíkir einnig í heimsókn. Allir velkomnir, enginn aðgangseyrir. Nánar »

Hljómsveitin Dúndurfréttir heldur tónleika í Hofi, Akureyri föstudaginn 4. nóvember og með þeim í för verður enginn annar en rokksöngvarinn Eiríkur Hauksson.

Dúndurfréttir er landsins besta tónleikasveit og hafa þeir haldið uppi heiðri klassískrar rokktónlistar í 15 ár, og hefur sveitin haldið fjöldan allann af tónleikum víðsvegar um landið, m.a með Sinfóníuhljómsveit Íslands og Sinfóníuhljómsveit Norðurlands, svo fátt eitt sé upptalið. Nánar »

Föstudaginn 14. október verður haldin málstofa í viðskiptafræði. Þar mun Grétar Þór Eyþórsson prófessor halda erindi undir yfirskriftinni Íslenska stjórnkerfið fyrir og eftir hrun: Stefna og stjórnsýsla í efnahagsmálum. Málstofan er milli kl. 12.10 – 12.55 og er haldin í stofu R311 á Borgum. Allir velkomnir. Nánar »

Viðskiptadeild Háskólans á Akureyri og Félag viðskipta- og hagfræðinga efna til opinnar ráðstefnu um viðskiptasiðferði og samfélagslega ábyrgð fyrirtækja. Ráðstefnan er haldin í hátíðarsal Háskólans á Akureyri, N 101, fimmtudaginn 13. október frá klukkan 10:00 – 13:00.

Ráðstefnustjórar eru Hafdís Björg Hjálmarsdóttir og Helgi Gestsson, lektorar við HA Nánar »

Akureyrarvaka verður sett í Lystigarðinum í dag, föstudaginn 26. ágúst, kl 21.00. Lystigarðurinn er ein af perlum Akureyrar og fátt jafnast á við rómantíkina í rökkrinu við setningu Akureyrarvöku. Í garðinum verða ýmsar uppákomur; eldheitt kúbanskt salsa, tónlistargjörningar, álfar bjóða til veislu og svo munu  Helgi og hljóðfæraleikararnir spila fyrir gesti af sinni alkunnu snilld fram eftir kvöldi.

Akureyrarvaka er bæjarhátíð sem haldin er í kringum afmæli Akureyrarbæjar og markar jafnframt lok Listasumarsins. Dagskrá Akureyrarvöku hefur aldrei verið viðameiri en hátt í 100 viðburðir eru þegar komnir á dagskrá, sem enn er að stækka. Dagskrána í heild sinni er að finna á vefnum www.visitakureyri.is

Eitt af því sem einkennir Akureyrarvöku í ár er eyfirsk hönnun og munu bæði fag- og áhugaaðilar  sýna afurðir sínar vítt og breitt um miðbæ Akureyrar á laugardagskvöldið.