SPOR Í ÁTTINA – áfangastaður ókunnur

Málverkasýning Hjördísar Frímann opnar í Ketilhúsinu á Akureyri laugardaginn 18. maí kl. 15. Sýninguna nefnir Hjördís „Spor í áttina – áfangastaður ókunnur“, en leiðangrar hennar  um listheima hafa víða legið. Eftir viðkomu í ljósmyndun féll hún marflöt fyrir málverkinu fyrir tæpum 30 árum og hefur haldið sig við þann miðil allar götur síðan. Á námsárunum við Fagurlistaskólann í Boston málaði hún hömlulaust, lét allt flakka, og ekki dugði minna en risastórir flekar í sköpunina. Þótt vinnubrögðin séu nú önnur er áfangastaðurinn enn ókunnur. Formin eiga hug hennar og hjarta um þessar mundir og litagleðin vísar veginn. Farið er í allar áttir enda formgerðin af margvíslegum toga og blindgöturnar margar. Sjálf segist Hjördís breyta um stíl oft á dag! Nánar »

Vorsýning Point Dans-studios í Hofi lauk í dag með veglegum hætti þar sem að yfir 200 dansara stigu á svið og kvöddu veturinn með stæl. Þetta er áttunda árið í röð sem Vorsýningin var haldin og fór hún betur en góður endir á skemmtilegri Disney-mynd. Dansarar voru á öllum aldri, frá fjögurra ára aldri til fimmtugs aldurs og stærsti salur Hofs var pakkaður af ömmum, mömmum, systrum já og mörgum ættliðum. Allir mætir til að fagna komandi vori með danshópnum stóra. Meðfylgjandi myndir tók Baldvin Þeyr Pétursson.  Nánar »

Laugardaginn 4. maí verður hinn árlegi Eyfirski safnadagur  og þá er frítt á söfnin milli klukkan 13-17.  Á þessum degi er ljóst að allir geta fundið eitthvað við sitt hæfi.  Nánar »

ÁLFkonur opna ljósmyndasýninguna LITBRIGÐI í Menningarhúsinu Bergi, Goðabraut, Dalvík þann 1. maí.

ÁLFkonur er hópur kvenna sem hafa ljósmyndun að áhugamáli og eru búsettar á Akureyri og við Eyjafjörð. Þær hafa starfað saman frá sumrinu 2010 og er þetta níunda samsýningin þeirra.   Nánar »

Laugardaginn 27. apríl kl. 14.30 opnar sýningin Lista án landamæra í sýningarsalnum Deiglunni sem staðsett er í Listagilinu á Akureyri. Á sýningunni, sem hópurinn Geðlist stendur fyrir, verður boðið upp á ljóðlist, stólahönnun, útskurð, málverk og margt fleira. Nánar »

Leiklistarskóli Leikfélags Akureyrar hefur starfað af miklum krafti í vetur og er komið að vorsýningunni sem jafnan þykir viðburður. Í ár verða frumflutt verk eftir yngri og eldri hópana sem sett hafa verið saman af kennurum vetrarins Þórhildi Örvarsdóttur og Ástu Sighvats Ólafsdóttur ásamt leikurum hússins þeim Aðalbjörgu Árnadóttur og Hannesi Óla Ágústssyni.   Sýnt verður laugardaginn 27. apríl í Samkomuhúsinu. Yngri hópar eru á sviðinu kl. 15:00 og þeir eldri kl. 17:00 Nánar »

Mynd: Finnbogi Marinósson

Í fyrra sagði fjörutíu og átta ára, þriggja barna faðir mér að hann ætti sér draum um að búa til dansverk og flytja það í heimabæ sínum, Akureyri. Ármann Einarsson er 172 cm. á hæð, með óvenjulega framstæða bumbu og einstaklega föðurlegt skopskyn. Ármann hefur aldrei stundað dans en á þó Íslandsmet í þrístökki drengja sem ekki hefur verið slegið síðan 1979. Ármanni dreymir um að dansa.

Dansaðu fyrir mig ögrar væntingum og fyrirfram gefnum hugmyndum um dans. Breski danshöfundurinn Brogan Davison og tónlistar- og heimamaðurinn Ármann Einarsson munu saman leita svara við spurningunni: „Er dans fyrir alla?“ Nánar »

Leikritið er þátttakandi í Þjóðleik sem er leiklistarhátíð ungs fólks sem haldin er annað hvert ár á landsbyggðinni. Þekkt íslensk leikskáld eru fengin til að skrifa krefjandi og spennandi verk fyrir 13-20 ára leikara sem svo eru sett upp í hinum ýmsu byggðum landsins.

Auk þess verður leikritið sýnt utan Þjóðleiks. Tjaldið höfðar fyrst og fremst til ungs fólks en hæfir þó fólki á öllum aldri.  Nánar »

Það óheppilega atvik kom upp síðastliðna helgi að fella þurfti niður allar sýningar. Ástæða þess er að einn af leikurum lagðist inn á sjúkrahús. Þeir fjölmörgu sem ætluðu að mæta á verkið þurfa ekki að örvænta því leikfélagið ætlar að sýna lokasýningu á verkinu Eyrnalnagir og annað fólk þegar allt er komið á rétt ról.  Sýningin verður auglýst sýðar. Með bestu kveðju Leikfélag Dalvíkur. Þetta kemur fram í tilkynningu frá Leikfélagi Dalvíkur í dag.

BLAM! nýjasta verk Krisjáns Ingimarssonar verður sýnt í Menningarhúsi Hofi 10. og 11. apríl. nk. BLAM! er óður til leikgleði og hugrekkis, bræðingur af „Die hard“ og „The Office“, verk án orða þar sem frábærir listamenn (og eldhugar) endasendast um sviðið í stórhættulega fyndnum slagsmálaleik. Sýningin hefur slegið rækilega í gegn í Danmörku og víðar um heim og í lok síðasta leikárs hlaut hún Reumert verðlaun dómnefndar sem sýning ársins.  Nánar »