Akureyri.net » Íshokkí

Íshokkí: SR lagði Víkinga í gærkvöld

Páll Jóhannesson — Wed, 01 Feb 2012 10:18:51 +0000

Í gærkvöld fór fram leikur SR og SA Víkinga í leik sem fram fór í Skautahöllinni á Akureyri á Íslandsmótinu í íshokkí. Fór svo að sunnanmenn lögðu heimamenn að velli 4-1 í afar þýðingarmiklum. Eftir sigurinn er SR komið í annað sæti deildarinnar með 26 stig en SA Víkingar hafa 23 stig í þriðja sætinu. Bæði liðin há harða baráttu ásamt Birninum sem er átoppi deildarinnar um sæti í úrslitakeppninni.

Meðfylgjandi myndir: Sigurgeir Haraldsson

Jötnar lögðu Skautafélag Reykjavíkur í framlengdum leik í kvöld

Páll Jóhannesson — Thu, 05 Jan 2012 23:59:20 +0000

Jötnar tóku á móti SR á Íslandsmótiu í íshokkí í leik sem fram fór í Skautahöllinni á Akureyri. Fór svo að Jötnar höfðu eins marks sigur 8-7 í framlengdum leik. Staðan að loknum venjulegum leiktíma var 7-7 en það var Sigurður Sigurðsson sem tryggði Jötnum sigurinn með marki í framlengingu. Staðan í deildinni er nú sú að Björninn hefur 28 stig eftir 12 leiki, Víkingar hafa 21 stig og SR-ingar 20 stig en bæði liðin hafa leikið 9 leiki.

SA Íslandsmeistarar í íshokkí 2011

Páll Jóhannesson — Tue, 08 Mar 2011 22:39:58 +0000

Mynd: Þórir Tryggvason

Skautafélag Akureyrar urðu Íslandsmeistarar í íshokkí í kvöld þegar þeir lögðu Skautafélag Reykjavíkur 6-2 í oddaleik sem fram fór í Skautahöllinni á Akureyri . Akureyringar hófu leikinn með látum og komust í 3-0 eftir aðeins 9 mínútna leik. Gestirnir skoruðu næstu tvö mörk og minnkuðu muninn í 3-2 en lengra komust þeir ekki. Heimamenn skoruðu svo þrjú mörk til viðbótar og sigruðu örugglega 6-2 og íslandsmeistaratitillinn er þeirra. Í upphafi móts blés þó ekki byrlega þar sem Reykvíkingar unnu fyrstu tvo leikina en leikmenn SA sýndu mikinn karakter og unnu næstu þrjá leiki.

Mörk SA í kvöld gerðu: Jón Benedikt Gíslason 2, Jóhann Már Leifsson 1, Rúnar Feyr Rúnarsson 1 og Stefán Hrafnsson 2.
Til hamingju SA

Síðasti dagur til skráningar í Akureyrarmótið í krullu í dag

Örlygur Hnefill — Wed, 23 Sep 2009 14:17:36 +0000

Akureyrarmótið í Krullu eða Curling hefst á mánudaginn og verður leikið á mánudagskvöldum fram í nóvember. Í tilkynningu frá Krulludeild Skautafélags Akureyrar segir að gera megi ráð fyrir að um átta lið með um 40 manns innanborðs taki þátt í mótum vetrarins í krullunni. “Nýtt fólk er ávallt velkomið á svellið og er krullufólk boðið og búið að hjálpa og leiðbeina nýliðum.”

Krulludeild SA stendur fyrir ýmsum mótum á veturna og endar keppnistímabilið með alþjóðlega mótinu Ice Cup um mánaðamótin apríl og maí. Krullufólk frá Akureyri hefur reglulega tekið þátt í mótum erlendis, meðal annars heimsmeistaramóti eldri leikmanna. Árið 2007 sendi Ísland í fyrsta skipti lið til þátttöku á Evrópumótinu. Núverandi Íslandsmeistarar munu taka þátt í Evrópumótinu sem fram fer í Aberdeen í Skotlandi 4.-12. desember.

Hægt er að kynna sér starf Krulludeildarinnar nánar á www.curling.is
Ásgrímur Ágústsson tók meðfylgjandi mynd.