Fréttir

Hlíðarfjall opið í dag.

Skrifað 05. febrúar 2012 klukkan 10:19 | Páll Jóhannesson | Fréttir |

Í dag verður skíðasvæðið í Hlíðarfjalli opið frá klukkan 10-16 samkvæmt upplýsingum er nánast blankalogn og 6 gráðu frost og fallegt veður. 5 skíðalyftur, 12 nýtroðnar skíðaleiðir, skíðafæri unnið herðfenni eins og kemur fram á www.hlidarfjall.is

KA/Þór skellti HK í N1 deild kvenna í dag

Skrifað 04. febrúar 2012 klukkan 21:18 | Páll Jóhannesson | Fréttir, Handbolti, Íþróttir |

Stelpurnar í KA/Þór lögðu HK í dag í leik sem fram fór í KA heimilinu nokkuð óvænt verður að segjast en leiknum lauk með sigri heimamann 23-22. KA/Þór hafði yfirhöndina nánast alla leikinn. KA/Þór sem hafði verið í botnbaráttu lyfti sér með sigrinum af botninum og er nú í 8. sæti deildarinnar með fjögur stig en HK er áfram í þriðja sæti deildarinnar með 12 stig. Nánar »

Fyrsta Goðamót ársins fer fram um helgina

Skrifað 04. febrúar 2012 klukkan 10:47 | Páll Jóhannesson | Fótbolti, Fréttir, Íþróttir |

Nú um helgina fer fram fyrsta Goðamót ársins sem haldið er af knattspyrnudeild Þórs og fara allir leikirnir fram í Boganum. Á þessu móti eru það stelpur úr 3. og 4. flokki sem eru í aðalhlutverkinu. Fólk er hvatt til þess að koma við í Boganum og fylgjast með stelpunum. Þórir Tryggvason ljósmyndari var í Boganum í gær þegar mótið hófst og eru meðfylgjandi myndir teknar úr leik KA og Þórs.

Þór tapaði gegn KFÍ í framlengdum spennuleik í gærkvöld

Skrifað 04. febrúar 2012 klukkan 10:20 | Páll Jóhannesson | Fréttir, Íþróttir, Körfubolti |

Þórsarar mættu KFÍ í Íþróttahöllinni í gærkvöld í 1. Deild karla. Fyrir leikinn höfðu KFÍ aðeins tapað einum leik á tímabilinu og Þórsarar komnir á gott skrið og höfðu m.a. unnið fimm síðustu leikna. Því var nokkuð ljóst að um hörkuleik yrði að ræða. Og sú var raunin því úr varð hörku spennandi leikur þar sem gestirnir höfðu að lokum 9 stiga sigur í framlengdum leik þar sem lokatölurnar urðu 104-113. Nánar »

Hin síbreytilega Akureyri 3. hluti

Skrifað 03. febrúar 2012 klukkan 08:00 | Páll Jóhannesson | Bæjarmál, Fréttir, Pistlar | 1 athugasemd |

Í dag birtum við þriðja hluta pistils Jóns Inga Cæsarssonar sem hann kallar ,,Hin síbreytilega Akureyri“.
Í tveimur pistlum hér á undan hef ég talað um þá miklu breytingar sem urðu á Akureyri með þeim uppfyllingum sem gerðar hafa verið á áranna rás. Hér ætla ég að fjalla um þá framkvæmd sem hvað mestar breytingar hefur haft í för með sér fyrir ásýnd Akureyrar og þess umhverfis sem við nú þekkjum. Nánar »

Páll Björnsson dósent við HA með Fyrirlestur í Eymundsson á Akureyri í dag:

Skrifað 02. febrúar 2012 klukkan 14:48 | Páll Jóhannesson | Fréttir |

Í tilefni af 25 ára afmæli Háskólans á Akureyri mun fræðimaður við háskólann kynna fræðibók einu sinni í mánuði í Eymundsson á Akureyri fram til vors. Fyrsta kynningin verður fimmtudaginn 2. febrúar kl. 17. Þá mun Páll Björnsson, dósent við félagsvísindadeild kynna bók sína Jón forseti allur? sem nýverið hlaut Íslensku bókmenntaverðlaunin.

Gagnrýni mín fær góð og jákvæð viðbrögð segir bæjarstjórinn á Akureyri

Skrifað 02. febrúar 2012 klukkan 14:38 | Páll Jóhannesson | Bæjarmál, Fréttir |

Nýverið ákvað Félag kvenna í atvinnurekstri að veita Já.is verðlaunin Gæfusporið 2012. Bæjarstjórinn á Akureyri Eiríkur Björn Björgvinsson gagnrýndi þá ákvörðun ekki síst fyrir þá staðreynd að fyrirtækið Já.is hafi lagt niður starfsstöðvar á Akureyri og Ísafirði og þar hafi það að mestu bitnað á konum. Aðspurður um viðbrögð fólks við þessari gagnrýni hans sagði Eiríkur Björn bæjarstjóri ,, Ég hef fengið mjög jákvæð viðbrögð við þessari gagnrýni minni frá fjölda fólks. Ég var t.d. stoppaður af einstaklingi á Reykjavíkurflugvelli í gær sem ég þekki ekki, og vildi viðkomandi hrósa mér/okkur fyrir þetta inngrip“ sagði bæjarstórinn.

Akureyri tekur á móti HK í kvöld

Skrifað 02. febrúar 2012 klukkan 13:46 | Páll Jóhannesson | Fréttir, Handbolti, Íþróttir |

Í kvöld byrjar handboltinn að rúlla á nýjan leik eftir hlé sem gert var vegna Evrópumótsins og er fyrsta verkefni ársins hjá Akureyri er að taka á móti HK í leik sem fram fer í íþróttahöllinni og hefst hann kl. 19. Um að gera fyrir fólk að drífa sig í kvöld í höllina og hvetja liðið til sigurs.

Vaðlaheiðargöng standa ekki undir sér að mati meirihluta umhverfis- og samgöngunefndar

Skrifað 02. febrúar 2012 klukkan 09:09 | Páll Jóhannesson | Fréttir, Stjórnmál |

Að mati Umhverfis- og samgöngunefndar standa Vaðlaheiðargöng ekki undir sér samkvæmt þeim gögnum sem yfir liggja um fyrirhugaða framkvæmd. Að mati nefndarinnar eru mörg verkefni brýnni og leggur nefndin til að göngin fari á samgönguáætlun og bygging gangnanna séu of áhættusöm fyrir skattgreiðendur og hið opinbera. Nánar »

Umboðsmaður skuldara opnar útibú á Akureyri

Skrifað 01. febrúar 2012 klukkan 19:46 | Páll Jóhannesson | Fréttir |

Umboðsmaður skuldara opna útibú sitt á Akureyri föstudaginn 3. febrúar nk. kl 16.00. Útibúið er staðsett á Glerárgötu 26, 1.hæð.
Guðbjartur Hannesson velferðarráðherra verður viðstaddur opnunina. Nánar »

Barnabókasetur við HA formlega stofnað á laugardaginn 4. febrúar

Skrifað 01. febrúar 2012 klukkan 19:36 | Páll Jóhannesson | Fréttir, Menning |

Amtsbókasafnið á Akureyri Mynd: PJ

Laugardaginn 4. febrúar nk. verður stofnað Barnabókasetur – rannsóknasetur um barnabókmenntir og lestur barna við Háskólann á Akureyri. Stofnfundurinn fer fram á Amtsbókasafninu á Akureyri kl. 12:00. Að setrinu standa auk háskólans Amtsbókasafnið og Minjasafnið á Akureyri. Þá eiga Rithöfundasamband Íslands, Samtök barna- og unglingabókahöfunda, IBBY, Félag fagfólks á skólasöfnum og fleiri aðild að setrinu. Nánar »

Íshokkí: SR lagði Víkinga í gærkvöld

Skrifað 01. febrúar 2012 klukkan 10:18 | Páll Jóhannesson | Fréttir, Íshokkí, Íþróttir |

Í gærkvöld fór fram leikur SR og SA Víkinga í leik sem fram fór í Skautahöllinni á Akureyri á Íslandsmótinu í íshokkí. Fór svo að sunnanmenn lögðu heimamenn að velli 4-1 í afar þýðingarmiklum. Eftir sigurinn er SR komið í annað sæti deildarinnar með 26 stig en SA Víkingar hafa 23 stig í þriðja sætinu. Bæði liðin há harða baráttu ásamt Birninum sem er átoppi deildarinnar um sæti í úrslitakeppninni.

Nánar »

Nei Ráðherra! Forsala hefst í dag 1. febrúar

Skrifað 01. febrúar 2012 klukkan 09:32 | Páll Jóhannesson | Fréttir, Menning, Sýningar |

Nei Ráðherra! Forsala hefst í dag, miðvikudaginn 1. febrúar kl. 10 á áhorfendasýningu ársins Nei ráðherra! sem flytur norður yfir heiðar í mars. Takmarkaður sýningafjöldi verður í Hofi vegna anna leikaranna. Tryggðu þér sæti sem fyrst!

Sérstakt forsölutilboð 1.-3. febrúar:
20% afsláttur af almennu miðaverði (bókanlegt á vefnum og í síma 450 1000). Nánar »

Kristinn G. opnar málverkasýningu í Mjólkurbúðinni í Listagili

Skrifað 31. janúar 2012 klukkan 22:39 | Páll Jóhannesson | Fréttir, Menning, Sýningar |

Kristinn G. Jóhannsson opnar málverkasýninguna “MANNABYGGÐ MEÐ STRÖNDUM” í
Mjólkurbúðinni Listagili laugardaginn 4. febrúar kl.14.
,,Ég hefi einatt leitað yrkisefna í nánasta umhverfi mínu. Undanfarin ár hefi ég gengið til litgrasa heima á Akureyri , ort um brekkurnar í bænum með flúri og fagurgala. Vorbrekkur, vetrarbrekkur, haustbrekkur og hvað nú allt hét. Hér kveður við allt annan tón þegar hugurinn hvarflar til fyrri heimkynna undir bröttum hlíðum við sjó. Vatneyri undir Brellum og Ólafsfjarðarhorn undir Tindaöxl. Þessi verk eru þó uppspuni eins og vera ber en sækja þræði þangað sem búseta fólks er með ströndum fram. Í þeirri mannabyggð var gott að vera” segir Kristinn G. um sýninguna. Nánar »

Íþróttaráð styrkir Hjólabrettafélag Akureyrar

Skrifað 31. janúar 2012 klukkan 14:50 | Páll Jóhannesson | Fréttir, Íþróttir |

Á fundi íþróttaráðs þann 26. Janúar var tekin fyrir styrkbeiðni frá Hjólabrettafélagi Akureyrar þar sem farið er fram á styrk að upphæð einnar milljónar vegna húsaleigu og æfingaaðstöðu. Íþróttaráð samþykkti að veita félaginu styrk að upphæð 600 þúsund krónur.