Bíó Paradís í samstarfi við KvikYndi (Kvikmyndaklúbb  Akureyrar) sýna kvikmyndir á breiðtjaldi í bestu mögulegu hljómgæðum og færa þannig andrúmsloft kvikmyndanna í Hof.

Í kvöld, 22. febrúar kl. 20 verður kvikmyndin Superclásico (Erkifjendur) sýnd en þessi eldfjöruga rómantíska kómedía frá leikstjóra Flammen og Citronen sló rækilega í gegn í Danmörku fyrr á árinu og var nýlega valin framlag Danmerkur til Óskarsverðlaunanna. Nánar »

Leikfélag Akureyrar og Norðurorka munu í tilefni öskudagsins á morgun bjóðum krökkum á Akureyri í kattarslag á leikhúsflötinni kl. 10.30.  Það lið sem slær tunnuna fær 4 miða á Gulleyjuna.  Það lið sem slær köttin fær 4 miða á Gulleyjuna.  Einnig er leikfélagið með búningasamkeppni á öskudaginn það verður því líf og fjör á öskudaginn við leikhúsið. Nánar »

Á aðalfundi Félags verslunar og skrifstofufólks Akureyri og nágrenni, sem haldinn var mánudaginn 20. febrúar sl., var stjórn félagsins falið að skora á ráðamenn þjóðarinnar að ná pólitískri samstöðu og koma til móts við þá sem tóku verðtryggð lán, með almennum leiðréttingum. Eftir nýlegan dóm Hæstaréttar í gengislánamálinu er orðinn verulegur munur á stöðu þeirra sem tóku gengistryggð lán og þeirra sem tóku verðtryggð lán. Stjórn félagsins minnir á nýleg ummæli formanns efnahags- og skattanefndar þar sem hann sagði að í nýrri greinargerð frá matsfyrirtækinu Fitch væri sérstaklega fjallað um að skuldir heimilanna væru enn of miklar og þær yrðu að lækka. Krafan um leiðréttingu verðtryggðra lána hefur því aldrei verið háværari og réttmætari en einmitt nú.

Aðalfundur Félags verslunar- og skrifstofufólks Akureyri og nágrenni (FVSA) var haldinn í Alþýðuhúsinu á Akureyri í gær, mánudaginn 20. febrúar. Úlfhildur Rögnvaldsdóttir, formaður félagsins, kynnti skýrslu stjórnar og breytingar á styrkjum úr sjúkrasjóði.

Um síðustu áramót voru félagsmenn 2.049; 814 karlar og 1.225 konur. Þar af eru 310 lífeyrisþegar. Þegar Úlfhildur kynnti skýrslu stjórnar kom m.a. fram að þó starfsemi félagsins hefði verið með hefðbundnum hætti á síðasta ári þá var þetta mikið framkvæmdaár í sögu félagsins. Nánar »

Snjókarlinn Frosti á Ráðhústorgi hefur tekið gleði sína á ný því nefið hans, sem hvarf á dögunum, er fundið. Ekki nóg með það því annað nef sem hvarf af honum fyrr í vikunni fannst einnig og hafði því verið dröslað til Dalvíkur. Árvökull íbúi í miðbænum á Akureyri fann nýja nefið á bílaplani fyrir utan íbúð sína, kippti því inn í forstofu og hafði samband við Akureyrarstofu þegar hann sá lýst eftir nefinu á vefmiðlum.

Þeim sem hafa lagt vinnu í að búa til snjókarlinn Frosta finnst afar hvimleitt að hann fái ekki að vera í friði.  Frosti fær nef í andlitið eftir helgina og er fólk vinsamlegast beðið að sýna ofurlítinn þroska og sjá það í framvegis í friði.

Sjáið skemmtilegt myndband sem sýnir hvernig Frosti, snjókarlinn á Ráðhústorginu varð til. ,,Myndataka hófst ca 10:30 þann 8 febrúar 2012 og lauk daginn eftir, um kl. 18. Það vantar 1,5 klst á milli kl. 7:30 og 9 þann 9 feb, þar sem batteríið kláraðist. Smá hreyfing kemur á vélina þegar pakka þurfti henni í plast v/rigningar" segir í texta við myndbandið frá þeim sem það gerðu. Nánar »

Það er orðið ákveðin hefð fyrir því í febrúarmánuði að feitur og fallegur snjókarl komi sér makindalega fyrir á Ráðhústorgi á Akureyri og gleðji jafnt unga sem aldna, jafn bæjarbúa sem gesti sem sækja bæinn heim.  Snjókarlinn, sem heitir Frosti, vill gjarnan skarta sínu fegursta fyrir þá sem koma að sjá hann en nú ber svo við að nefinu hans hefur verið stolið og er þetta í annað sinn í þessari viku sem einhver eða einhverjir sjá sig knúna til að ræna hann þessum líkamshluta.  Nánar »